[A:449a]grags pa'i yi ge dang zhal shes la brten cing sngon 'gro gsang khrid nas kha bskangs te/ phyi nang gi srung 'khor 'chi med sgrub pa zhar byung bzlog pa dang bcas pa'i phyi'i nyams khrid zab mo 'di byin rlabs kyi tshan kha shin tu che bas bla ma gnyan lo tsA ba dgung lo brgya dang lnga bcu bzhugs pa'ang man ngag 'di nyid kyi che bar snang ngo / /
rdo rje'i 'chang tshar pa chos rje'i khrid yig zung 'jug rnam rol la gzhi byas/ rdo rje 'chang dbang phyug rab brtan gyis mdzad pa'i khrid yig /lhan thabs yig chung zin bris zhal shes dang bcas pas brgyan nas/ sngon 'gro skyabs sems/ yig brgya/ bla ma'i rnal 'byor/ maNDal dang bcas pa'i khrid/ dngos gzhi 'khor lo bzhi la brten pa'i bsnyen pa/ 'khor lo bzhi ldan gyi sgrub pa/ thun mong dang thun mong ma yin pa'i las sbyor/ zhar byung ma 'grub na spogs chog gi ngo sprod dang bcas te sngon 'gro dngos gzhi rjes gsum tshang ba'i nyams khrid la brten nas rdo rje'i lus la gnad du bsnun pa'i gnad kyis gzung 'dzin gyi rtsa mdud rnams grol nas cir snang bde ba