[A:449b]chen po'i rol par shar te/ tshe 'di nyid la zung 'jug rdo rje 'chang chen po'i go 'phang mngon du byed nus pa'i gsang khrid kyi nyams khrid zab mo dang / zhing skyong dbang po 'khor bcas byang chub ma thob bar du rang gi snying dbus su 'bral med du bzhugs nas mchog dang thun mong gi dngos grub ma lus pa stsol ba'i dmar khrid dpal ldan sa skya pa'i gdung brgyud kho na la chig brgyud du bzhugs pa'i nyams khrid zab mo smin rgyas su legs par nos so/ /
! gnyis pa rgyab rten lung dang phyag bzhes man ngag dang bcas pa la/ dkar chag gis zin pa'i skor dang / ma zin pa'i skor te gnyis las/ dang po ni/ tshar chen chos kyi rgyal pos mdzad pa'i dpal rdo rje nag po chen po gdong bzhi pa'i chos skor gyi dkar chag gsung rgyun padma'i srad bur brgyus pa'i zab don nor bu'i do shal/ de las gsungs pa'i chos sde'i rnam grangs paNDi ta 'bum phrag gsum pa nas brgyud pa/ shrI paNDi ta ta thA ga ta rakShi ta nas brgyud pa/ kharsa pA Ni'i ri sul gyi rnal 'byor ma ku sA li chen mo nas brgyud pa dang gsum/ dang po la/ mgor skad gnyis shan sbyar dang / dpal mgon po nag po la