[A:༡༠]རིན་ཆེན་སྒང་བླ་བྲང་གི་གདུང་རབས།
དེ་ནས་བླ་བྲང་རིན་ཆེན་སྒང་གདུང་རབས།
ལུང་ཕུད་བཙུན་མོ་དྲུག་པ་ཞ་ལུ་མ།
གཞོན་ནུ་འབུམ་སྲས་ཀུན་དགའ་ཉི་མ་དང།
དོན་ཡོད་རྒྱལ་མཚན་བསོད་ནམས་རྒྱལ་མཚན་གསུམ།
དོན་ཡོད་རྒྱལ་མཚན་ཡབ་རྗེ་ཞེ་དགུ་པ།
ལྕགས་ཁྱིར་འཁྲུངས་ཤིང་སོ་ལྔ་ཤིང་སྤྲེར་གཤེགས།
ཡབ་དང་བསོད་ནམས་གྲགས་པ་དཔལ་ལྡན་སེང།
དཔང་ལོ་གྲགས་པ་སེངྒེ་བསོད་ནམས་དཔལ།
རྒྱལ་སྲས་ཐོགས་མེད་ཆོས་དཔལ་བཟང་སོགས་བསྟེན།
ཚོགས་ཆོས་གསུངས་པས་ཞལ་སློབ་ཤིན་ཏུ་མང།
བཙུན་མོ་ཞ་ལུ་ཡོན་ཏན་དཔལ་འབུམ་ལ།
ཉི་ཟླ་རྒྱལ་མཚན་རྣམ་གཉིས་ཕྱི་མ་ལ།
བླ་ཆེན་ཀུན་དགའ་རྒྱལ་མཚན་ཞེས་གྲགས་དེ།
ཡབ་རྗེ་སོ་ལྔ་ཤིང་སྤྲེར་འཁྲུངས་ནས་སུ།
ས་ཁྱི་དོན་ལྔའི་བར་བཞུགས་དབུ་བླ་ནི།
ཆོས་རྗེ་བླ་མ་མཉམ་མེད་གྲགས་རྒྱལ་སོགས།
ཞལ་སློབ་ས་བཟང་འཕགས་པ་ཀུན་བཀྲས་སོགས།
བཙུན་མོ་ཞ་ལུ་ནམ་མཁའ་རྒྱལ་མོ་ལས།
ཡབ་རྗེ་ང་ལྔ་ས་སྟག་འཇམ་དབྱངས་ཆེ།
ནམ་མཁའ་རྒྱལ་མཚན་