[A:༩]ནས།
སོ་དགུ་ཆུ་ལུག་བར་བཞུགས་དབུ་བླ་ནི།
ཡབ་དང་མཁས་པ་ནོར་བཟང་དཔལ་ལ་སོགས།
ཞལ་སློབ་ཆོས་རྗེ་བླ་མ་དམ་པ་སོགས།
དེ་གཅུང་བགྲེས་པ་ནམ་མཁའ་བཤེས་གཉེན་དང།
གཞོན་པ་ནམ་མཁའ་རྒྱལ་མཚན་རྣམ་གཉིས་སོ། །
མཁས་བཙུན་བཙུན་མོ་ངམ་རིང་ཁང་གསར་མ།
དགེ་འདུན་འབུམ་ལ་ཡབ་རྗེ་སོ་ལྔ་པ།
ས་ཡོས་ཀུན་དགའ་རིན་ཆེན་ས་ཡོས་བར།
རེ་གཅིག་བཞུགས་དེས་ཆོས་རྗེ་བླ་མ་དང།
མཉམ་མེད་གྲགས་རྒྱལ་ཞང་སྟོན་དབང་ཕྱུག་རྒྱལ།
མགོན་རྒྱལ་འཇམ་སྔོན་གུང་རུ་ཤེས་རིན་སོགས།
བསྟེན་ནས་མདོ་སྔགས་སྦྱངས་ཤིང་ཞལ་སློབ་ཀྱང།
མང་དུ་བྱུང་འདྲ་བཙུན་མོ་གཉིས་བཞེས་སྔོན།
ཉི་ཐོག་ནམ་པར་བློ་གྲོས་རྒྱལ་མཚན་ཏེ།
དེ་ཡི་བཙུན་མོ་ས་སྐྱ་རྒྱལ་མོ་སྐྱིད།
ཀུན་དགའ་དབང་ཕྱུག་ཡུམ་ཡིན་གཉིས་པ་ནི།
མཉམ་མེད་དབོན་མོ་མ་གཅིག་དགེ་མ་ལ།
གྲགས་པ་བློ་གྲོས་ཀུན་དགའ་བློ་གྲོས་དང།
ལྕམ་གཅིག་འཁྲུངས་ཤིང་གྲགས་བློའི་བཙུན་མོ་ནི།
བྲག་དཀར་མ་ལ་བློ་གྲོས་དབང་ཕྱུག་སྟེ།
བཞི་ཐོག་བླ་བྲང་པ་ཡི་གདུང་རབས་སོ། །