[A:༡༡]འཁྲུངས་ཤིང་དོན་ལྔ་པ།
ཆུ་འབྲུག་གཤེགས་དེས་ཡབ་དང་ཐེག་ཆེན་རྗེ།
བསོད་ནམས་རྒྱལ་མཆོག་རྡོ་རྗེ་རྒྱལ་མཚན་སོགས།
བསྟེན་ཅིང་ཞལ་སློབ་གདུང་སྲས་སྐུ་མཆེད་སོགས།
གཅུང་པོ་བདག་ཆེན་ཞ་ལུ་བསོད་རྒྱལ་བ།
ལྕམ་མོ་གཉིས་དང་བཙུན་མོ་ཁྲོ་མདའ་མ།
དཔལ་འབྱུང་རྒྱལ་མོར་ལྕམ་བཞི་སྲས་ཆེ་བ།
རྒྱ་གར་ཤེས་རབ་རྒྱལ་མཚན་ཆུང་བ་ནི།
བདག་ཆེན་རྡོ་རྗེ་འཆང་དབང་བློ་གྲོས་མཚན།
བདག་ཆེན་ཞ་ལུའི་བཙུན་མོ་ལྡན་ཡུལ་མ།
ཀུན་དགའ་འབུམ་ལ་གྲགས་པ་རྒྱལ་མཚན་ཏེ།
བླ་བྲང་རིན་ཆེན་སྒང་པའི་གདུང་རབས་སོ། །
ལྷ་ཁང་བླ་བྲང་གི་གདུང་རབས།
དེ་ནས་ལྷ་ཁང་བླ་བྲང་གདུང་རབས་ནི།
ལུང་ཕུད་བཙུན་མོ་བཞི་པ་ཤ་ཟུག་མ།
ཀུན་དགའ་ནམ་མཁའི་རྒྱལ་མཚན་མ་ཡི་སྲས།
ཀུན་དགའ་ལེགས་པའི་འབྱུང་གནས་ཞེས་བྱ་དང།
ཀུན་དགའ་རྒྱལ་མཚན་གཉིས་ལས་ཕྱི་མ་འདི།
ཡབ་རྗེ་ཞེ་དགུ་ལྕགས་ཁྱི་ཞེ་དགུ་པ།
ས་ཁྱི་བར་བཞུགས་དབུ་བླ་ཞལ་སློབ་རྣམས།
མ་ངེས་བཙུན་མོ་གཉིས་དང་ཁ་ཆར་མ།
དཔལ་