[A:༡༥]གླང་གཤེགས་དེས་མུས་པ་རྗེ།
སངས་རྒྱས་རིན་ཆེན་ས་ལོ་སྐུ་མཆེད་སོགས།
བསྟེན་ཅིང་ཞལ་སློབ་དུ་མ་བྱོན་ཡོད་སྙམ།
ཡར་འབྲོག་བུ་འདྲེན་སྐྱིད་ཅེས་ཁབ་བཞེས་ལས།
གདུང་སྲས་མཆེད་གཉིས་བྱོན་པའི་དང་པོ་ནས།
ཕྱི་བྱོན་རྩེ་གདོང་བླ་བྲང་གི་གདུང་རབས།
ཕྱིས་བྱོན་རྩེ་གདོང་བླ་བྲང་གདུང་རབས་ནི།
བདག་ཆེན་ཀུན་དགའ་བསམ་གྲུབ་ཡབ་ཉེར་བཞི།
ཤིང་ཕག་འཁྲུངས་ཤིང་ང་བརྒྱད་ཆུ་སྤྲེར་གཤེགས།
ས་ལོ་ངོར་ཆེན་དཀོན་མཆོག་ལྷུན་གྲུབ་དང།
ཀུན་དགའ་ལེགས་གྲུབ་སྨན་སྡིང་ལོ་ཆེན་སོགས།
བསྟེན་ཅིང་ཞལ་སློབ་དུ་མ་བསྐྲུན་ཡོད་སྙམ།
བཙུན་མོ་བདེ་སྐྱིད་གླིང་པ་མ་གཅིག་ལ།
ཀུན་དགའ་བདེ་ལེགས་ཡབ་རྗེ་སོ་ལྔ་པ།
ས་བྱར་འཁྲུངས་ཤིང་བཞི་བཅུ་ས་བྱིར་གཤེགས།
ཀུན་དགའ་ལེགས་གྲུབ་ཀུན་དགའ་རྒྱལ་མཚན་དང།
ཡབ་རྗེ་དཀོན་མཆོག་དཔལ་ལྡན་ཐར་རྩེ་བ།
པཎ་ཆེན་ནམ་མཁའ་དཔལ་བཟང་ཐུབ་བསྟན་པ།
བྱམས་པ་རབ་བརྟན་སོགས་བསྟེན་ཞལ་སློབ་མང།
བཙུན་མོ་རྟ་ནག་བྱ་བཟང་དཔལ་བུ་ཁྲིད།
དེ་