[A:༡༦]ལས་རྩེ་གདོང་ཁྲི་ཆེན་འཇམ་པའི་དབྱངས།
ཀུན་དགའ་བསོད་ནམས་ལྷུན་གྲུབ་གཅུང་བགྲེས་པ།
ཚེ་དབང་ཧོར་སོག་བསོད་ནམས་རྒྱལ་མཚན་དང།
གཞོན་པ་འཇིག་རྟེན་རྒྱ་ཧོར་རྣམ་གཉིས་ལས།
ཕྱི་མ་ཡབ་རྗེ་སུམ་ཅུ་ས་སྟག་འཁྲུངས།
ཞེ་བརྒྱད་ཤིང་གླང་གཤེགས་དེས་གཅེན་བགྲེས་དང།
ཐར་རྩེ་པཎ་ཆེན་བྱམས་པ་རབ་བརྟན་དང།
ཐུབ་བསྟན་མཁན་ཆེན་ཆོས་ཀྱི་འོད་ཟེར་སོགས།
བསྟེན་ཅིང་ཞལ་སློབ་ཁ་ཤས་བྱུང་ཚོད་དང།
བཙུན་མོ་སྟག་ལུང་ནོར་འཛོམ་བུ་ཁྲིད་ལས།
བསོད་ནམས་བློ་གྲོས་བྱམས་པ་བསོད་ལྷུན་དང།
ངག་དབང་བསོད་ལྷུན་གསུམ་ལས་ཕྱི་མ་འདི།
ཡབ་རྗེ་སོ་དྲུག་ཆུ་གླང་འཁྲུངས་ནས་ནི།
རེ་བཞི་མེ་འབྲུག་གཤེགས་དེས་གཅེན་མཆེད་དང།
འཇམ་མགོན་ཨ་མེས་ཞབས་སོགས་དམ་པ་བསྟེན།
ཞལ་སློབ་ཁ་ཤས་བཙུན་མོ་ཡོལ་གདོང་མ།
ནོར་བུ་བུ་ཁྲིད་ལས་འཁྲུངས་བསྟན་འཛིན་དབང།
བསོད་ནམས་འཕགས་པ་བསོད་ནམས་དབང་རྒྱལ་གསུམ།
ལྕམ་གཉིས་བྱུང་མིན་ཐེ་ཚོམ་འདིར་མ་བཀོད།
ཕྱི་མ་ཡབ་རྗེ་སོ་གསུམ་ཤིང་བྱར་འཁྲུངས།
རེ་དྲུག་ལྕགས་སྟག་གཤེགས་དེས་གཅེན་བགྲེས་དང།
ངག་དབང་བརྟན་རྡོར་སོགས་བསྟེན་སློབ་ཁ་ཤས།
བཙུན་མོ་སྟག་ལུང་བཀྲ་ཤིས་ཚེ་རིང་ལ།
གཅེན་པོ་ཀུན་དགའ་ཚེ་དབང་རིག་འཛིན་