[A:༡༧]དང།
གཅུང་པོ་ངག་དབང་ནོར་བུ་རྒྱལ་མཚན་དང།
ཕལ་མོ་ཞིག་ལས་སྲས་བཅས་གསུམ་བྱོན་ཞིང།
ནོར་བུ་རྒྱལ་མཚན་བཙུན་མོ་བྱ་སྒོ་མ།
ཚེ་རིང་བུ་ཁྲིད་བཞེས་མོད་བསྟན་གེགས་ཀྱིས།
ཡབ་སྲས་ལྕམ་བཅས་ཐོག་ལ་གདན་ས་འཐོར།
སྐུ་ཚ་ངེད་རང་ཀུན་དགའ་བློ་མིང་པ།
བཅུ་དྲུག་ཤིང་བྱིར་གདན་ས་ལག་འབྱོར་སྐོར།
ཕྱིས་བྱོན་རྩེ་གདོང་བླ་བྲང་གདུང་རབས་སོ། །
ཀུན་དགའ་བསམ་གྲུབ་གཅུང་པོ་བཀའ་དྲིན་ཅན།
སྔགས་འཆང་ཆོས་ཀྱི་རྒྱལ་པོ་བདུད་ཀྱི་གཤེད།
ངག་དབང་ཀུན་དགའ་རིན་ཆེན་བཀྲ་ཤིས་དང།
གྲགས་པའི་རྒྱལ་མཚན་དཔལ་འབྱོར་བཟང་པོ་ཞེས།
མཚན་དོན་མཐུན་དེ་ཡབ་རྗེ་ཉེར་དྲུག་པ།
མེ་གླང་ལོར་འཁྲུངས་རེ་བརྒྱད་ཤིང་སྤྲེར་གཤེགས།
ས་ལོ་ཆེན་པོ་ངོར་ཆེན་ལྷུན་གྲུབ་མཚན།
འཕགས་ཆེན་དཔལ་ལྡན་བཀྲ་ཤིས་སྤྱན་སྔ་བ།
ངག་དབང་ཆོས་གྲགས་ངོར་ཆེན་སངས་རྒྱས་སེང།
ཐུབ་བསྟན་ལྷ་ཆེན་མཁན་དང་ལེགས་བློ་སོགས།
བསྟེན་ཅིང་ཞལ་སློབ་རིས་མེད་ནོར་འཛིན་རྡུལ།
བཙུན་མོ་གསུམ་བཞེས་དང་པོ་ཤར་གླིང་མར།
སྲས་མོ་གཉིས་དང་གཉིས་པ་གདོང་དགའ་མ།
བགྲེས་པ་བསོད་ནམས་ལེགས་འཛོམས་དཀར་མོ་ལས།
འཇམ་དབྱངས་བསོད་ནམས་དབང་པོ་ལྕམ་གསུམ་བཅས།
གསུམ་པ་གཞོན་པ་བཀྲ་ཤིས་དཔལ་བུ་ཁྲིད།
དེ་