[A:༡༩]དབང་ཆོས་གྲགས་སོགས།
བསྟེན་ཅིང་ཞལ་སློབ་ཉི་ཟེར་རྡུལ་ལ་འགྲན།
སྐུ་མཆེད་གསུམ་ལ་སྡེ་སྲིད་ལྷུན་རྩེ་མའི།
ཉེ་གནས་ཚ་ཤོད་མཐོང་སྨོན་བུ་སྲིང་མ།
བཀྲ་ཤིས་དཔལ་གྱི་བུ་བསྐྱེད་ཅེས་བྱ་ལས།
ལྕམ་གཅིག་གདུང་གཅིག་བྱུང་ཡང་ཆུང་ངུར་གཤེགས།
དེ་ནས་ཀོ་ཆག་འགྲོ་མགོན་འཇིགས་བྲལ་བའི།
སྲས་མོ་ཨཽཊྱ་ན་སྐྱབས་མ་བཞེས་པ་ལས།
ཡབ་རྗེ་ཞེ་གཉིས་ས་སྟག་འཇམ་པའི་དབྱངས།
ངག་དབང་བསོད་ནམས་དབང་ཕྱུག་བལྟམས་ནས་ལོ།
ཞེ་བརྒྱད་ཤིང་གླང་བར་བཞུགས་དེ་ཉིད་ཀྱིས།
ཡབ་རྗེ་ངག་དབང་རྣམ་རྒྱལ་ཞ་ལུ་པ།
རིན་ཆེན་བསོད་ནམས་མཆོག་གྲུབ་ཀ་སྤེ་བ།
བསྟན་པ་རབ་རྒྱས་ལྷུན་གྲུབ་དཔལ་ལྡན་པ།
བྱང་བདག་བསོད་ནམས་གྲགས་པ་ལ་རུ་བ།
ངག་དབང་དཔལ་བཟང་སོགས་ལས་གསན་མཐར་ཕྱིན།
ཉིད་ཀྱི་རིགས་སྲས་ལ་སོགས་སློབ་ཚོགས་ནི།
ཀུན་གསལ་སྐར་གྲངས་ལྟ་བུའི་བདག་ཉིད་དེས།
བདག་ཆེན་ཤར་མོ་པད་དཀར་བུ་ཁྲིད་ལས།
ཡབ་རྗེ་བཅུ་དགུ་མེ་སྤྲེར་རིགས་ཀྱི་སྲས།
ངག་དབང་ཀུན་དགའ་བཀྲ་ཤིས་འཁྲུངས་ནས་ལོ།
ང་དྲུག་ལྕགས་ཡོས་བར་བཞུགས་དམ་པ་དེས།
འཇམ་མགོན་ཨ་མེས་ཞབས་དང་ཡབ་རྗེ་མཆོག།
ངག་དབང་རྣམ་རྒྱལ་བསྟན་པ་རབ་རྒྱས་དང།
ལྷུན་གྲུབ་དཔལ་ལྡན་བཟང་པོ་རྒྱལ་མཚན་དང།