[A:༢༦]རྒྱལ་མཚན་འཁྲུངས་ནས་ལོ།
ཉེར་དགུ་ཆུ་ལུག་གཤེགས་དེའི་ལོ་བཅུ་ནི།
ཡབ་ཀྱི་ཁོངས་དང་ལྷག་མ་བཅུ་དགུ་ནི།
ལུས་དང་དེ་ལྕམ་དཔལ་འབྱོར་བཟང་མོ་ལས།
ཡབ་རྗེ་ཉེར་བཞི་ས་སྟག་ལོར་འཁྲུངས་པ།
ནམ་མཁའ་བཀྲ་ཤིས་ཞེ་དྲུག་ཆུ་ཕག་གཤེགས།
ལོ་དྲུག་ཡབ་ཁོངས་ལྷག་མ་བཞི་བཅུ་ལུས།
དེ་དང་དམའ་ཟེ་བཟའ་ལས་ཡབ་སོ་ལྔ།
ཆུ་བྱིར་སངས་རྒྱས་ཚེ་བརྟན་འཁྲུངས་ནས་ལོ།
ལྔ་བཅུ་ལྕགས་གླང་གཤེགས་དེའི་ལོ་བཅུ་གཉིས།
ཡབ་ཀྱི་ཁོངས་གཏོགས་དེ་ལྷག་སོ་བརྒྱད་ལུས།
དེ་དང་བུ་འདྲེན་སྐྱིད་ལས་ཡབ་ཉེར་དྲུག།
མེ་གླང་བསྟན་པའི་གསལ་བྱེད་སྔགས་འཆང་ཆེ།
ཀུན་དགའ་རིན་ཆེན་རེ་བརྒྱད་ཤིང་སྤྲེའི་བར།
ཉེར་ལྔ་ཡབ་ཀྱི་ཁོངས་དང་ལྷག་ཞེ་གསུམ།
དེ་དང་བཀྲ་ཤིས་དཔལ་གྱི་བུ་ཁྲིད་ལས།
ཡབ་རྗེ་ཞེ་བདུན་ཆུ་ཕག་གྲགས་བློ་འཁྲུངས།
ང་ལྔ་མེ་སྦྲུལ་བར་བཞུགས་ལོ་ཉེར་གཉིས།
ཡབ་ཁོངས་ལྷག་མ་སོ་གསུམ་ལུས་དེ་དང།
ལྷ་སྲས་བསོད་ནམས་རྒྱལ་མོར་ཡབ་སོ་ལྔ།
མེ་བྱ་འཇམ་མགོན་ཨ་མེས་འཁྲུངས་ནས་ལོ།
རེ་གསུམ་བཞུགས་དེའི་ཉེར་གཅིག་ཡབ་ཁོངས་དང།
ལྷག་མ་ཞེ་གཉིས་ལུས་དང་ཨཽཊྱ་ན་སྐྱབས།
རྣམ་གཉིས་ལས་བྱོན་ས་སྟག་ཡབ་ཞེ་གཉིས།
བཞེས་ཚེ་འཇམ་དབྱངས་བསོད་ནམས་དབང་ཕྱུག་འཁྲུངས།
ཞེ་བརྒྱད་ཤིང་