[A:༢༧]གླང་གཤེགས་དེའི་ལོ་ཉེར་གཉིས།
ཡབ་ཁོངས་ལྷག་མ་ཉེར་དྲུག་ལུས་དེ་དང།
པད་དཀར་བུ་ཁྲིད་ལས་ནི་ཡབ་བཅུ་དགུ།
མེ་སྤྲེར་ངག་དབང་ཀུན་དགའ་བཀྲ་ཤིས་བལྟམས།
ང་དྲུག་ལྕགས་ཡོས་གཤེགས་དེའི་ལོ་སུམ་ཅུ།
ཡབ་ཁོངས་ལྷག་མ་ཉེར་དྲུག་ལུས་དེ་དང།
བསྟན་འཛིན་བསོད་ནམས་བཟང་མོར་ཡབ་ལྔ་བཅུ།
ཤིང་བྱར་རྩ་བའི་བླ་མ་དམ་པ་འཁྲུངས།
སོ་བདུན་ལྕགས་བྱར་གཤེགས་དེའི་དགུང་བདུན་ནི།
ཡབ་ཁོངས་ལྷག་མ་སུམ་ཅུ་བཞུགས་དང་ནི།
དྲིན་ཅན་བསོད་ནམས་དཔལ་གྱི་དབང་མོ་ལས།
ཡབ་རྗེ་ཉེར་ལྔ་ས་བྱར་ཁོ་བོ་བཙས།
རབ་བྱུང་བཅུ་གསུམ་ལྕགས་གླང་འདི་ཡན་ལ།
ང་གཉིས་འདས་ཤིང་ད་ལྟ་ང་གསུམ་པའི།
བཅུ་གསུམ་ཡབ་ཁོངས་ལྷག་མ་བཞི་བཅུར་སླེབས།
གཡུ་རིང་ནས་བཟུང་དུས་མཆོད་བླ་བྲང་བརྒྱུད།
ཁོ་བོ་ཡན་དུ་སོ་བཞི་བྱོན་ཟིན་ཅིང།
སོ་ལྔ་ཁོ་བོ་དཀོན་མཆོག་རྒྱལ་པོ་ནས།
ད་བར་མི་ཐོག་ཉི་ཤུའི་ལོ་སྡོམས་ནི།
བདུན་བརྒྱ་ཞེ་བདུན་འདས་ཤིང་ཞེ་བརྒྱད་སླེབས།
རང་ལོ་སོ་ལྔ་ཆུ་ལུག་གདུང་བགྲེས་པ།
ད་ལྟ་བཅུ་དགུ་ལོན་དང་སོ་བརྒྱད་པ།
མེ་ཁྱིར་གདུང་གཞོན་ད་ལྟ་བཅུ་དྲུག་པ།
འདི་གཉིས་བསྐལ་བཟང་བདེ་སྐྱིད་བུ་ཁྲིད་ལས།
ལེགས་འཁྲུངས་དེ་དག་ལས་བྱོན་ངག་དབང་ལྷ།
ཏི་ལ་ཀར་གསུངས་ལེགས་བཤད་