[A:༢༩]མཚན་ཞེས།
འཕགས་པའི་གཅུང་པོས་མཛད་ཅིང་མེ་བྱི་ནས།
ལྕགས་འབྲུག་བར་ལྔ་སླར་ཡང་འཕགས་པ་ཉིད།
ལྕགས་སྦྲུལ་མེ་ཕག་བར་དུ་ལོ་ངོ་བདུན།
དྷར་མ་ཕ་ལ་རཀྵི་ཏ་ཡིས་མཛད།
ས་ཕོ་བྱི་ནས་མེ་མོ་བྱ་ཡི་བར།
ལོ་བཅུ་ཤར་པ་འཇམ་དབྱངས་རིན་རྒྱལ་པོ།
ས་ཕོ་ཁྱི་ནས་ཤིང་ཕོ་བྱི་བའི་བར།
ཉེར་བདུན་བཟང་པོ་དཔལ་ཞེས་མུས་སྲད་ལུགས།
དེ་ནས་བླ་བྲང་གོ་བཞིའི་བཞི་ཐོག་པ།
མཁས་བཙུན་ནམ་མཁའ་ལེགས་པས་ཤིང་གླང་ནས།
ཆུ་ལུག་བར་ལ་བཅུ་དགུ་གདན་ས་མཛད།
རིན་སྒང་དོན་ཡོད་རྒྱལ་མཚན་ཤིང་སྤྲེ་ནས།
མེ་ཁྱིའི་བར་གྱི་གདན་ས་ལོ་གསུམ་མ།
མེ་ཕག་ནས་བཟུང་ཆོས་རྗེ་བླ་མ་ཡིས།
གདན་ས་མཛད་ཀྱང་ལོ་གྲངས་རེ་ཞིག་མེད།
ལྷ་ཁང་གདུང་བརྒྱུད་ཏ་དབེན་བློ་རྒྱལ་གྱིས།
བཅོ་བརྒྱད་མཛད་ཅིང་བཞི་ཐོག་ཀུན་རིན་གྱིས།
ཡུན་རིང་མཛད་ཅེས་གྲགས་ཀྱང་ལོ་མ་འཁོད།
དེ་ནས་བཞི་ཐོག་བློ་རྒྱལ་རིན་སྒང་པ།
ནམ་རྒྱལ་བཞི་ཐོག་ཀུན་དགའ་དབང་ཕྱུག་དང།
རིན་སྒང་རྒྱ་གར་ཤེས་རབ་རྒྱལ་མཚན་ཏེ།
འདི་རྣམས་ལ་ཡང་ལོ་གྲངས་འདི་སོང་མེད།
རིན་སྒང་བདག་ཆེན་རྡོ་རྗེ་འཆང་དབང་གིས།
ཉེར་གཉིས་ལོ་ཡུན་གདན་ས་མཛད་ནས་ནི།
མེ་སྦྲུལ་ནས་ནི་ཆུ་སྤྲེལསྦྲུལ་བར་སོ་བརྒྱད།
ས་ལོ་འཇམ་དབྱངས་ཀུན་དགའ་