[A:༣༠]བསོད་ནམས་བཞུགས།
དེ་འཕྲོས་ནས་ནི་ཤིང་སྤྲེའི་བར་ང་གཅིག།
སྔགས་འཆང་ཆོས་ཀྱི་རྒྱལ་པོས་བསྟན་སྲོག་བཟུང།
དེ་འཕྲོས་ནས་ནི་ས་གླང་བར་ལོ་དྲུག།
འཇམ་དབྱངས་བསོད་ནམས་དབང་པོ་གདན་སར་བཞུགས།
ས་སྟག་ནས་བཟུང་མེ་སྦྲུལ་བར་སོ་བདུན།
གྲགས་པ་བློ་གྲོས་གདན་སར་བཞུགས་ནས་ཀྱང།
དེ་འཕྲོས་ནས་བཟུང་ས་ལུག་བར་ལོ་གསུམ།
སྐུ་འབྲིང་ངག་དབང་ཀུན་དགའ་དབང་རྒྱལ་པོ།
དེ་འཕྲོས་ནས་བརྩིས་ས་ཕག་བར་ཞེ་གཅིག།
འཇམ་མགོན་ཨ་མེས་ཞབས་བཞུགས་དེ་འཕྲོས་ནས།
ཤིང་གླང་བར་དུ་ཉེར་བདུན་བསོད་དབང་ཕྱུག།
དེ་འཕྲོས་ནས་ནི་ལྕགས་ཡོས་ལོ་ཡི་བར།
ཉེར་བདུན་ངག་དབང་ཀུན་དགའ་བཀྲ་ཤིས་བཞུགས།
དེ་འཕྲོས་ནས་བཟུང་ལྕགས་བྱ་ལོ་ཡི་བར།
སོ་གཅིག་ཡབ་རྗེ་རྡོ་རྗེ་འཆང་གིས་མཛད།
དེ་འཕྲོས་ནས་ནི་འདི་ལོའི་ལྕགས་གླང་བར།
ཞེ་གཅིག་རྟ་ལམ་བོང་གཟུང་ཀུན་བློའོ། །
ད་ནི་དེ་རིང་ཚེ་ཚད་རྫོགས་ནས་ཀྱང།
དོ་ནུབ་འཆིའམ་ཡང་ན་རང་ཉིད་ཀྱི།
ཚེ་ཚད་བར་དེར་དུས་མིན་འཆི་མེད་ན།
ལོ་ཤས་སྡོད་པའང་སྲིད་དོ་མོས་ལྡན་རྣམས།
དགའ་བར་མཛོད་ཅིག་བདག་ལ་ལན་ཆགས་རྣམས།
འཆི་དུས་མི་འདུག་སྒུག་ཡུན་ཨ་རེ་རིང།
ཉམས་ལྡན་འདི་འདྲ་བདག་གི་གཤིས་ལུགས་ཏེ།
ཚིག་སྒྲ་ལེགས་