[A:༨]སྨད་འབུམ་མེ་ལས།
དགུང་གྲངས་ཉེར་ལྔ་ཆུ་ཕོ་ཁྱི་ལོ་ལ།
བདག་ཉིད་ཆེན་པོ་བཟང་པོ་དཔལ་བལྟམས་ནས།
རེ་གསུམ་ཤིང་བྱི་བར་བཞུགས་དབུ་བླ་ནི།
རྗེ་བཙུན་སྒྲོལ་མ་འཕགས་པ་རིན་པོ་ཆེ།
ལ་སོགས་དུ་མའི་བདུད་རྩི་བཞེས་ཡོད་སྙམ།
ཞལ་སློབ་རིགས་དང་ཆོས་འཁྲུངས་མང་ཡོད་ཀྱང།
རྐང་གྲངས་སྨོས་པ་རེ་ཞིག་མ་མཐོང་ངོ། །
སྨན་ཙེ་མ་དང་ལུང་ཕུད་བཙུན་མོ་དྲུག།
སྨན་ཙེ་མ་ལ་སྲས་གཅིག་ཆུང་ངུར་གཤེགས།
ལུང་ཕུད་དང་པོ་རྒྱལ་ལྕམ་མུ་ད་གན།
བསོད་ནམས་བཟང་པོ་ལྕམ་སྲིང་གཉིས་ཀྱི་ཡུམ།
བསོད་བཟང་བཙུན་མོ་བུདྡྷ་གན་གྱི་སྲས།
རཏྣ་བྷ་དྲ་ལུང་ཕུད་གཉིས་པ་ནི།
མང་མཁར་སོག་སྤེ་ངང་མོར་བླ་ཆེན་པ།
ཏི་ཤྲཱི་ཀུན་དགའ་བློ་གྲོས་བྱོན་པ་སྟེ།
སྤྱི་ལ་དབང་སྒྱུར་གདུང་རབས་ཞེས་སུ་གྲགས།
བཞི་ཐོག་བླ་བྲང་གི་གདུང་རབས།
དེ་ལས་གྱེས་པ་བཞི་ཐོག་གདུང་རབས་ནི།
ལུང་ཕུད་གསུམ་པ་གླང་མཚོ་ན་སྤེ་མ།
ནམ་མཁའ་རྒྱལ་མོར་ཡབ་རྗེ་ཞེ་བཞི་པ།
ཤིང་སྦྲུལ་མཁས་བཙུན་ནམ་མཁའ་ལེགས་འཁྲུངས་