[A:༢༡༩]རྒྱལ་མཚན་བ་དན་སོགས་འཕྱར་ཞིང༌། ཉེར་དགུའི་ཉིན་ཚོགས་རྫས་རྒྱ་ཆེར་བཤམས་པ་སོགས་དེང་སང་ཕུར་སྒྲུབ་གཟབ་རེས་སུ་གྲགས་པའི་རྒྱུན་འདི་བྱུང༌། ཕུར་སྒྲུབ་སྐབས་གཞིས་བྱས་ནས་ཞབས་བརྟན་ལེགས་འབུལ་འཆར་འཕར་མང་དུ་བཞེས། ཁྲུམས་ཟླའི་ནང་ཕོ་བྲང་བཞི་ཐོག་ཏུ་ཕེབས་སྐབས་ཀྱི་བཅའ་སྒྲིགས་ཀྱང་གོང་བཞིན་ལ་ཕེབས་བྱམས་བརྩེ་ཆེན་ལྷ་ཁང་དུ་གྲ་སྒྲིགས་མཛད་དེ། ས་ཆེན་སྣང་བརྙན་རིན་པོ་ཆེ་སྙན་ཤལ་མཆོད་འབུལ་བཅས་གནང་བ་འདི་ནི་འཇམ་མགོན་དབང་གི་མཚན་ཅན་ཉིད་ཀྱིས་གཙུག་ལག་ཁང་དུ་ཕྱག་ཕེབས་པའི་སྒོ་དང་པོ་དང༌། དེ་ནས་གཏང་རག་སྨན་ཆབ་སོགས་ལུགས་འགྲོ་བཀའ་དྲིན་ཆེན་ནས། ཁྲུམས་ཟླའི་གཟའ་ཚེས་དགེ་བར་སྔགས་འཆང་ཆོས་ཀྱི་རྒྱལ་པོའི་གསུང་རབ་ལས་མཁན་རུ་འདྲེན་དང་བཅས་པའི་འཚམས་དཔེ་དཔང་པོར་གནང༌། རྗེ་ཉིད་དང་བརྒྱ་དཔོན་བཀྲ་ཤིས་འོད་ཟེར། ཟུར་འཆད་གྲུབ་དབང་དམ་པ་རིན་ཆེན་རྒྱལ་མཚན་རྣམས་ཞལ་རྒྱས་ཏེ། སྔ་ཐོག་གི་སློབ་རྒྱུན་ལ་དག་མ་དག་གི་དཔྱད་པ་ནན་ཏན་མཛད་ནས་རུ་འདྲེན་སྡེ་བཞི་དང་པུ་ཏྲ་མཚམས་པ་དགུ་ཚན་བདུན་གྱི་འགོ་པར་བསླབ་སྦྱངས་དང་། ཟླ་ནང་དེར་དབུ་རྩེར་ལོ་རིམ་ལ་ཆེད་དུ་དགོངས་པའི་མགོན་པོ་ལྕམ་དྲལ་གྱི་འབུར་སྐུ་གསར་བསྐྲུན་གྱི་མགོན་པོའི་ཞལ་ཁྱིམ་ནི་བདག་ཉིད་ཆེན་པོའི་འཚོམ་སྐུ་སོར་བཞག་ལྟ་བུ་དང༌། ལྷ་མོ་ཡང་མགོན་པོའི་ཞལ་ཁྱིམ་སོར་བཞག་ལ་ཞལ་རྒྱན་དང་རྒྱ་མཚོན་བྱེད་མེ་རིས་མེད་པ། ཐུན་མོང་མ་ཡིན་པའི་གཟུངས་བཅས་བཀའ་དྲིན་ཆེ་ཞིང༌། གཞན་