[A:༢༤༠]མཛད་ཅིང༌། གསོལ་ཐབ་ལྷོར་མི་ཕེབས་ཙམ་ལ་མཛོད་འཛིན་ཤེས་རབ་ཕུན་ཚོགས་བཞི་ཐོག་ལྷོའི་ཤར་ནུབ་མཐོ་དམའ་མཉམ་ན་ལེགས་ཚུལ་སྙན་སྒྲོན་བཞིན། ནང་སོ་ཚོམས་ཆེན་གཡབ་ཆེན་སོགས་ལ་བརླིང་ལྟ་དགོས་པའི་བཀའ་འདོམས་བཅས་ཕྱག་ལེན་དུ་བཏབ་པ་མཐར་ཕྱིན་འཕྲལ། རྗེ་ཉིད་བན་ཚང་པའི་འཁོར་ཚོགས་བཅས་ནས་རྒྱལ་མཚན་འཛུགས་ཆོག་ཐུག་ཆོག་སོགས་ཡང་དག་བསྩལ། དེ་ལོ་ནས་བཟུང་ཁྲུམས་ཟླའི་རིགས་ཆར་ཡང་ཚོགས་ཕེབས་རྟག་པོ་དང༌། དེའི་ཉེར་བཞིར་སྟོད་ལ་དྭགས་རྒྱལ་པོ་མཛད་པ་མི་ལེགས་པའི་སྦིར་གཏམ་གྱི་རྐྱེན་གྱིས། ལ་དྭགས་རྒྱལ་བློན་ལ་རྒྱུ་འབྲས་ཀྱི་བཀའ་ཚིག་སྔོན་དུ་གཏོང་བར་མཛད། གནའ་བོའི་ཆོས་རྒྱལ་གྱི་ལུགས་བཞིན་བསྐྱངས་ན་གང་སར་དགེ་བའི་བཀའ་འདོམས་དང༌། དེ་ལོ་སྤྱན་ལྟས་ཤིག་ཏུ། རྗེ་རྡོ་རྗེ་འཆང་བལ་ཡུལ་ན་མཆིས་པ། མཆོད་རྟེན་བྱ་རུང་ཁ་ཤོར་གཟི་འོད་འབར་ཞིང་བྱང་ཕྱོགས་ན་སྤྱན་གཟིགས་ཀྱི་ལྷ་ཁང་འོ་བརྒྱལ་བ་ཞིག་དང༌། བལ་པོའི་གྲོང་ཁྱེར་ཀུན་མི་ནོར་ཟད་པ་འདྲ་བ་མི་ཐོ་རེ་བ་ལས་མེད་པའི་མུར། ལྷོ་ནུབ་ནས་ཉི་མ་ཤར་བྱུང་གླེང་ཞིང་ཐམས་ཅད་སྐྱིད་ཉམས་བྱེད་པ་ཞིག་འཁྲུངས་པ་ནི་ཀུན་གྱིས་དགོངས་སླ་ཞིང༌། འདི་ལ་ད་དུང་སྤྱན་ལྟས་དང་དྲིལ་བུ་ཕུལ་བ་སོགས་འོག་ལོ་ཁམས་གང་ཡིན་དུ་གསལ་བ་དང༌། གཞན་ཡང་འཆར་འཕར་གྱི་ཐུགས་བྲེལ་དོན་ཡོད་རྣམས་རིམ་མཛད་ཀྱི་སྐབས་སོ། །
དགུང་གྲངས་བཞི་བཅུར་ཕེབས་པ་ས་བྱི་རྟ་ཟླའི་མཇུག་ཙམ་ལ་མཛོད་