[A:༢༧༦]མགོན་སྐུ་མཆེད། རྗེ་བཙུན་དྲུང་ཟུང་རྒྱལ་ཡུམ་བཅས་ལ་ཀུན་རིག་དབང་རྡུལ་དཀྱིལ་སྟེང་ནས་དང༌། བསྙེན་ཐབས་ཀྱི་ལྗགས་ལུང་བཅས་བསྩལ། བཀྲ་ཤིས་ཟླ་བ་དེའི་ནང་ལྷ་ཆེན་ཁྱམས་སྟོད་གསེར་ཁྲི་རིན་པོ་ཆེ་གསར་བསྐྲུན་མཛད་རྒྱུའི་བཀའ་འདོམས་བཞིན། མཛོད་འཛིན་ནས་ལྷ་བཟོ་ཟླ་འོད་སོགས་ལ་བཀའ་མངགས་ཏེ་ཧ་ལམ་གྱི་ཙག་པར་ཟླ་བ་དེའི་ཚེས་དགེ་བར་སྤྱན་བདར་དུས། ཞལ་དཀར་འབྲས་སིལ་གྱིས་གཏམས་པ་ཕུལ་བ་དང༌། སྟབས་འགྲིག་བྱུང་བས་ལ་ཉེ་བཟང་བའི་སྒོ་དང་པོ་དང༌། དབྱུག་ཟླའི་ནང་ལྷ་བཟོ་ཟླ་འོད་ནས་ངོར་ཐར་རྩེ་གུར་ཞལ་ལྷ་མོ་སྟག་ཞོན་རྣམས་དང༌། རྗེ་དཔལ་ལྡན་ཆོས་སྐྱོང་གི་དགོངས་རྫོགས་རྟེན་རྣམས་བསྐྲུན་པར་བཀས་མངགས་ཤིང༌། གཟུངས་འདོད་གསོལ་སོགས་ཆ་རྐྱེན་བཅས་ལེགས་པར་གདམས། དེ་ནས་ཞུ་དབོན་དང་སྡེ་དགེའི་ཧོར་འདྲ་བཅས་ལ་སྤྱན་གཟིགས་གཙོ་འཁོར་གསུམ་གྱི་རྗེས་གནང་དང༌། ལུང་ཕོན་ཆེ་བ་བཅས་བསྩལ། མཁས་དབང་ཞེ་དྲུང་ལ་འཐོན་ཕྱག་ཐོག་རིག་གནས་བསྐོར་ལས་པའི་བཀའ་བསྩལ་ཞིབ་རྒྱས་མཛད་པས་ཁོང་དགྱེས་དགུར་སོན་ཅིང་གནང་ཆའང་གྱ་ནོམ་པར་སྟོབ་པར་མཛད། སྨིན་ཟླའི་ནང་རྗེ་ཉིད་དང་ཞབས་འབྲིང་པ་ཆེན་པོ་གཟིམ་འོད་བཅས་ནས་སྡོམ་གསུམ་ཁ་སྐོང་བདུད་རྩི་ཉིང་ཁུ། གདུང་རབས་གསོལ་འདེབས་ཁ་སྐོང་བཅས་དང༌། ཕུན་ཚོགས་དགེ་ལེགས་མ། གཏོར་མ་བརྒྱ་རྩ། དཀར་ཆ་བཞི། དེ་དག་གི་གསལ་བྱེད་བཅས་ལྗགས་ཞུས་དག་པར་མཛད་དེ་ཆོས་སྦྱིན་མི་ཟད་པར་དུ་བསྐྲུན་པའི་བཀའ་འདོམས་དང༌། ཚེས་