[A:༢༩༦]ཁང་བཞིར་བསྐང་འཕྲིན་སྒྲོལ་མ་སྒྲོལ་འདོན། དབུ་རྩེར་འཇམ་འདོན་རྣམས་རྗེ་བཙུན་ས་སྐྱ་པའི་གདུང་རབས་རིན་པོ་ཆེ་རྣམས་ཞབས་པད་སྲིད་མཐར་བརྟན་ཅིང་བཞེད་དོན་འབད་མེད་འགྲུབ་པའི་ཆེད་སོ་སོར་འདོད་གསོལ་བཅས་གནང་བའི་སྦྱར་བྱང་དུ། ཁོ་བོ་ལོ་བཅུ་བདུན་ཙམ་ནས་བཟུང་བཀའ་འགྱུར་རིན་པོ་ཆེ་ཡང་ཡང་གསུང་སྒྲོགས་ཞུ་ཡིན་ཡོད་གསུངས་པ་བཞིན། རྗེ་ཉིད་ཀྱི་སྤྱིལ་ཁང་ནས་ལོ་ལྟར་བཀའ་དྲིན་ཆེ་བའི་རྒྱུན་བཟང་མི་ནུབ་པར་མཆིས་སོ། །དབོ་ཟླ་ནས་རྗེ་རྡོ་རྗེ་འཆང་ཉིད་ཀྱི་རླབས་ཆེན་ཐུགས་བསྐྱེད་ནར་མའི་གྲས། ཆོས་ཁྲི་རིན་པོ་ཆེ་མཁས་པ་ཟིལ་གནོན་ཉམས་གསོ་གསར་བསྐྲུན་ལྟ་བུ་ཀུན་གྱི་མིག་གི་བདུད་རྩིར་གསལ་བ་འདི་ཉིད། རྒྱ་ཆེར་མཛད་རྒྱུའི་བཀའ་གསང་གིས་མཚོན། གང་ཅིའི་བབ་ཡུལ་འདི་དང་འདི་ལྟ་བུ་གྱིས་ཤིག་པའི་གསུང་བྲིས་བཞིན། མཛོད་འཛིན་འགོ་བཟོ་འུལ་མི་བཅས་ནས་དྭང་བླངས་ཀྱིས་རིམ་བཞིན་མཛད་སྐབས། དགུང་གསར་འབུལ་མིའང་འབྱོར་གདོང་ནས། འཇམ་དཔལ་རྡོ་རྗེ་ནོ་མིན་ཧན་དཔོན་འབངས་སྟོབས་ཆེ་རྟ་ཟླའི་ནང་ཞབས་པད་དུ་འབྱོར་ཞིང། པཎ་ཆེན་ཐམས་ཅད་མཁྱེན་གཟིགས་ཆེན་པོར་མཇལ་ཕྱག་ཞར་ལ། འདི་ཡང་ནག་ཟླའི་མཇུག་ཙམ་ལ་འབྱོར་བ་འདྲ་ཞེས་སྙན་དུ་གསོལ། ནག་ཟླའི་འགོར་སྨན་ཆབ་ལ་ཕེབས་ཐོག་མ་མོའི་ལྟག་གི་ཁང་བརྩེགས་མཆོད་རྟེན་གོག་པོ་དེ་ཕལ་ཆེར་གཤེགས་གསོལ་གྱིས་མི་རིང་གསར་བཞེངས་མཛད་རྒྱུར། སྔར་གྱི་བཞུགས་ཡུལ་རྦ་ལོག་གིས་བཀྲོལ་བས་བརླིང་ཆ་མ་བྱུང་དོགས། སྐྱེད་ལྷས་མེ་འབར་གྱི་མགོན་