[A:༣༣༡]ནས་སོགས་མཛད། བྱ་གཤོངས་སུ་བྱོན་ཏེ། དབང་ལུང་རྗེས་གནང་གནས་གཟིགས། རྣམ་སྲས་ལ་གསུང་བསྐང་། སྐྱེ་བོ་ཁྲི་ཕྲག་དུ་མར་ཁྲོམ་དབང་སོགས་རྣམ་ཀུན་དོན་ཡོད་ཀྱི་མཛད་སྒོ་རྣམས་གྲུབ་ནས། སྨིན་ཟླའི་ཚེས་ལྔར་རམ་སེ་ལུང་དུ་བཞུགས། ཚེས་དྲུག་ལ་ཕུ་ཆེན་ལ་རྩེར་ལྷ་བསངས་དང་། དེ་ནས་ཁམས་ཡུལ་དུ་གུར་དཀར་བསམ་གྲུབ་ཕོ་བྲང་ནང་། ཆིབས་བསུ་བ་ལས་ཆེན་པ་ཟུང་གིིས་ཐོག་དྲངས་ཕྱེད་ཉིས་བརྒྱ་བརྒལ་ཙམ་ལ་བྱིན་རླབས་ཀྱི་ཟིལ་དངར་ཕབ། དེ་ནས་ཨ་ཀྲོལ་ལ་རྩེར་ལྷ་བསངས་རྒྱས་པ་དང་བཅས་རིམ་ཕེབས་ཀྱིས་ཆུ་ཁ་མའི་སྟེང་དུ་འཆམ་མགོན་རྣམས་ལ་སྙན་ཤལ་སྒྲོན་པར་མཛད་དེ། སེར་ཕྲེང་དང་གཞས་སོགས་ཀྱིས་སྔུན་བསུས། གཞི་ཐོག་ཕོོ་བྲང་དུ་བདེ་བར་ཕེབས་ཏེ་དགའ་སྟོན་གྱི་དཔལ་ལ་ལོངས་སྤྱོད་པར་མཛད་དོ། །དེའི་སང་ཚོམས་ཆེན་དུ་ལེགས་སྟོན་རྨད་དུ་བྱུང་བས་དུས་འདས་ཤིང་། དེ་ནས་ཉིན་བཞི་མགོན་ཁང་རྣམས་ལ་གཏང་རག་དང་། རྩེ་ལྷ་བསངས་རྒྱས་པ་དང་བཅས་གཟིམ་ཆུང་མགོན་ཁང་ཟུང་གི་གཏོར་འབུལ། དེ་ནས་རྒྱལ་དབང་མཆོག་ཏུ་འབུལ་རྒྱུའི་ཞལ་གྱི་འཁོར་ལོ་དང་ཆབས་ཅིག་འཇམ་མགོན་སྐུ་མཆེད་ལའང་འཁོར་ལོ་རེ་སྩོལ་བར་མཛད། མགོ་ཟླའི་ཚེས་བཞི་ལ་མཁན་རིན་པོ་ཆེ་གསར་པ་ཁྲི་ཕེབས་གནང་རྒྱུའི་གསུམ་གྱི་ཐོ་རེངས་འོད་གསལ་དུ། མཁན་གསར་སྦྱིན་པ་བཀྲ་ཤིས་དང་གཞི་ཐོག་རྩེར་མཇལ་བས། རྗེའི་གསུང་ལས། འོ་ད་ལམ་མཁན་གསར་ལ་བུ་ཆུང་བགྲེས་པས་ལེགས་སོ་གྱིས་གསུངས་ནས་འདི་གནང་བྱུང་གསུངས་པ་དང་། ཉིད་ཀྱི་སྐུ་ཧྲག་ནས་