[A:༣༣༩]ཆེན་པོའི་དག་སྣང་སྐོར་སོགས་ལ་ཞིབ་དཔྱོད་མཛད་དགོས་ཉི་ཤར་སྒྲོན་འདེགས་ཀྱི་དཔེའི་སྒོ་ནས་ཕུལ་བ་དང་ཆབས་ཅིག བཀའ་བསྟན་རྙིང་མ་རྒྱུད་འབུམ་ཚར་ལྔ་བཅུ་ང་ལྔ་ཉུང་མཐའ་བྱས་པ་གསུང་སྒྲོག་སོགས་གནང་བ་ནི། རྗེ་ཉིད་དགོངས་པ་གཞན་དོན་དུ་གཏད་པའི་ལུང་གསལ་དེ་དུས་བཀའ་ཕེབས་ཤིང་། གཞན་ཡང་དམུ་རྫིང་བརྒྱད་གྲྭས་བསྐང་བ་གནང་སྨིན་གྱི་བཀའ་དང་། རྗེ་རྡོ་རྗེ་འཆང་ཡབ་སྲས་སོགས་ནས་བསྐང་འཕྲིན་སོགས་དཔྱད་ཀྱིས། བསྟན་འགྲོའི་བདེ་ཐབས་ལ་ཆེད་དུ་གཞོལ་དགོས་ཀྱི་བཀའ་རྣམས་དང་བཞེས་ནས། རྒྱལ་དབང་ཡབ་སྲས་ཀྱི་སྐུ་རིམ་གཙོར་སྨོས་བསེ་མགོན་ཡིན་བཞིན་ནོར་བུའི་སྐུ་དྲུང་དུ་རྗེ་རྡོ་རྗེ་འཆང་ཡབ་སྲས་ནས་བསྐང་འཕྲིན་རྒྱུན་རིང་བར་གནང་སྐབས་པཎ་ཆེན་ཐབས་ཅད་མཁྱེན་པ་དཔལ་ལྡན་ཡེ་ཤེས་དག་ཞིང་དུ་ཕེབས་པ་གསན་འཕྲལ། མཆོག་གི་སྤྲུལ་སྐུ་རིན་པོ་ཆེ་མྱུར་ཕེབས་འཕྲིན་འཆོལ་ཞུ་བ་དང་སྦྲགས། གངས་ཅན་ཆོས་འཕེལ་སོགས་ནས་འཛུགས་བཀོད་ཞུས་པའི་གདུང་ཤུགས་གསོལ་འདེབས་འདི་ཡང་། སྔ་དྲོ་ཞིག་ཐུགས་སྐྱོ་ལྷང་གི་ངང་ནས་སྐད་ཅིག་ལ་མཛད། དེའི་ཚེ་བླ་བྲང་ཞབས་པད་མཆོག་ཏུ་སྤྱི་སྒེར་རྒྱལ་བསྟན་རིན་པོ་ཆེར་སྲི་ཞུ་དང་། དེ་འཛིན་དམ་པ་རྣམས་ཀྱི་ཞབས་བརྟན་སྐུ་རིམ་དུ་ཆེད་དགོངས་ཀྱིས། སྣར་ཐང་བཀའ་བསྟན་རིན་པོ་ཆེར་པར་སངས་ཉམས་གསོ་ཞུ་དག་སོགས་སྙན་ཞུ་བཞིན། འཕགས་ཆེན་དམ་པའི་རྣམ་ཐར་ཕན་ཚུན་འགྲན་པ་ལྟ་བུའི་སྒོ་ནས་དང་བཞེས་བཀའ་དྲིན་ཆེ་བའི་འགོ་བརྩམས། གཞན་ཡང་གོང་ས་ཡས་ཕྱིན་སྡེ་དགེ་ས་དབང་རྣམས་ནས་