[A:༣༤༡]ཁ་ཤས། རྣམ་རྒྱལ་གསེར་ཁང་པ་གྲྭ་གཅིག་སོགས་ཁྱོན་སྡོམ་འདུས་པ་སུམ་བརྒྱ་དང་བརྒྱད་ལ་སྩོལ་བར་མཛད་སྐབས་ཆོས་དུང་རིན་པོ་ཆེ་ཤར་སྐྱ་ཙམ་ལ་གསུང་བསྐུལ་དང་། སྐབས་འགར་སྔ་ཕྱི་བཅས། དེ་སྐབས་སུ་མཁོ་བའི་ཟིན་བྲིས་ཤིག་ཀྱང་དེ་དུས་ཀྱི་དབུ་བྱེད་ཆེ་སར་བརྩེ་སྐྱོང་མཛད་ཅིང་། ཕུར་སྒྲུབ་སྐབས་ཁྱམས་སྨད་ལྷོར་སྐལ་ལྡན་རྣམས་རྗེས་སུ་བཟུང་བར་གྱུར་ཏེ། གཞན་ཡང་སྣྲོན་ཟླའི་ནང་གླིང་ཚང་བླ་གསར་གདོང་། སྔོན་དུ་སྡེ་དགེ་ས་དབང་དགུང་ལོ་བཅུ་དྲུག་ལོན་ཕྱིན་ཁབ་བཞེས་སྐོར་བཀའ་འདོམས་བཞིན། ཆུ་ཡོས་སྟོན་ར་ཐ་ལས་མ་འགྱངས་པར་དགོས་པའི་བཀའ་གསང་དང་། བཀྲ་ཤིས་ཆོས་སྡེའི་ཆོག་དཀྱིལ་རྣམས་པར་བསྐྲུན། རྒྱུའི་ཞིབ་མོ་རྣམ་བཅས་ལེགས་པར་གདམས་སོ། །བསྟན་འཛིན་དེ་གྲས་ནས་རྗེ་ཉིད་ཀྱི་བཀའ་བཞིན་བཅོ་བརྒྱད་སྐུ་མཆེད་ནས་སྒྲུབ་མཆོད་ཁ་ཤས་དང་། རྩ་རྒྱུད་བརྟག་གཉིས། ཕུར་སྒྲུབ་སོགས་ལ་གདན་སའི་འདུས་པ་རྒྱ་མཚོའི་དབུས་སུ་ཕེབས་ཤིང་། ཁྲུམས་ཟླའི་ཡར་ཚེས་ནས་ཆོས་ཞུ་བ་རྣམས་ལ་དཔལ་གཤིན་རྗེ་གཤེད་དམར་པོའི་སྨིན་གྲོལ་ཉམས་ཁྲིད་དང་བཅས་ཆ་ཚང་། སྒྲོལ་དཀར་ཚེ་འཁྲིད། གསང་འདུས་ལུགས་གསུམ་གྱི་དབང་། ཀུན་མཁྱེན་རིན་པོ་ཆེའི་བཀའ་འབུམ་དང་། དམར་པོ་སྐོར་གསུམ་གྱི་བེའུ་བུམ་ལྗགས་ལུང་འཕྲོ་ཅན་བསྐང་བའི་སྐོར་རྣམས་བཅས་དང་། གཞན་ཡང་ཆོས་སྡེ་ལྷོ་བྱང་སོགས་ཆོས་ཞུ་བ་ཇི་སྙེད་པར། འཇིགས་བྱེད་བཅུ་གསུམ་མ་རྭ་ལུགས་ཐུན་མོང་མ་ཡིན་པའི་དབང་གྲངས་མང་། སྒྲུབ་ཐབས་བརྒྱ་རྒྱམ། གྲུབ་ཆེན་བརྒྱད་ཅུ། སྣར་