[A:༣༥༣]ཞུ་མཛད་པའི་ཕྱིར་ཕེབས་སུ། སྤྱིར་ལྷག་པའི་ལྷའི་ལྗགས་བསྙེན་ཡང་དག་དོན་ལྡན་སྙུན་གཞི་ཐུ་མོ་དེ་ལྟ་བུར་ཇི་སྙམ་དུ་ཡང་མི་སེམས་པར་སྐུ་སྲོག་ཕངས་མེད་དུ་མཛད་པའི་འབྲས་བུ་མཐར་ཕྱིན་པ་དང་། ཡང་སྒོས། རྗེ་བཙུན་ས་སྐྱ་པའི་གདུང་རབས་ཕྱིས་འབྱུང་འདི་བཞིན་མཛད་མཁན་རྣམས་ལ་སྲི་ངན་གྱིས་མི་བརྫི་བའི་ཕྱིར། ད་ལམ་ཅིས་ཀྱང་ཕེབས་དགོས་གསུངས་ཏེ་ཕུར་བཟློག་གི་ཚོགས་དབུ་རྡོ་རྗེ་སློབ་དཔོན་གནང་སྐབས་ཀྱང་ངོ་མཚར་རྫུ་འཕྲུལ་གྱི་མཛད་པ་འདི་ལྟར་མཐོང་སྟེ། སྙུན་གཞི་དེ་ལྟ་བུ་ལ་ནི། འཇིག་རྟེེན་ན་སྐྱེ་བོ་ཕལ་མོ་ཆེ་དྲག་ཞན་ཇི་སྙེེད་པ་དག་རྔ་རོལ་མེ་ཉི་སོགས་སྤང་བྱ་དང་། ཟས་སྤྱོད་སོགས་འཕྲོད་བསྟེན་འཛོལ་མེད་བགྱིས་ཀྱང་ངལ་བ་འབྲས་མེད་དུ་སོང་བ་མང་ཞིང་རྗེ་རྡོ་རྗེ་འཆང་ཆེན་པོས་དེ་དག་རྣམས་ལ་བླང་བྱ་ལྟ་བུར་མཛད་པས་གནས་སྐབས་དེའི་ཚེ་ཅི་ཡང་མ་སྐྱོན་ཁར་ཅུང་ཟད་བདེར་སོང་བའི་ཚུལ་གྱིས་གཏོར་བཟློག་མཐར་ཕྱིན་དུ་གནང་བ་འདི་ནི། གྲུབ་པ་མཆོག་གི་ས་ལ་བཞུགས་པའི་མཛད་པ་འདི་ལྟ་བུའོ། །ཞེས་སྐྱེ་དགུ་ཀུན་ལ་འདོམས་པར་མཛད་པ་དང་ཆབས་ཅིག་ཆོས་ཀྱི་ཕྱིར་དུ་སྐུ་སྲོག་ཕངས་མེད་དེ་ཙམ་དུ་མ་ཟད་རྣམ་པ་ཀུན་ཏུ་བཞི་མདོའི་རྩྭ་བཞིན་འདོར་བར་མཛད་ནས། སྐད་ཅིག་ཙམ་ཡང་དལ་བར་མི་བཞུགས་པའི་བརྩོན་འགྲུས་ཀྱི་ཕར་ཕྱིན་རྫོགས་པའི་ཐབས་ཟབ་མོ་ལས་ནམ་ཡང་གཡེལ་བ་མེད་པས། གདུལ་བྱ་མཐའ་དག་ལ་བརྩོན་འགྲུས་ཀྱི་ལྕག་གིས་བསྐུལ་བ་འདི་ལས་གཞན་དུ་མ་དམིགས་ལགས། ལྗགས་བསྙེན་གྱི་སྐབས་དགེ་མི་དགེའི་མཚན་མ་མང་དུ་