[A:༣༦༥]སེམས་དཔའ། འོན་རྒྱལ་སྲས། སླེ་ལུང། སྨིན་གླིང། དངོས་གྲུབ་སྡིང། ཛ་ལུང་པ། བསམ་སྡིང་རྗེ་བཙུན་སོགས་ལ་རེ་རེ། བླ་བྲང་མཆོག་ཏུ་ཐམས་ཅད་མཁྱེན་གཟིགས་རིན་པོ་ཆེར་དྲུག ཕྱག་མཛོད་དུ་བཞི་སོགས་གཤེགས་རྫོང་ཆེ་ཕྲའང་མང་དུ་སྟོབ་པར་གནང། དེ་རྣམས་ཀྱིས་གཙོས་གཞིས་བྱེས་མཐའ་དག་ནས་དངོས་པོ་བཟང་དགུ་མཐའ་ཡས་པའི་གདུང་འབུལ་ཀྱང་ཕུལ། གདུང་རུས་རྣམས་གཟིམ་ཆུང་དུ་སྤྱན་དྲངས་ཏེ་རྒྱུན་རིང་བར་འཇམ་མགོན་ཞལ་རྣམ་གཉིས་རྗེ་བཙུན་དྲུང་སོགས་ནས་གསོལ་འདེབས་བླ་མཆོད་སོགས་མཛད། དེ་ནས་གདུང་རུས་རྣམས་ལས་རང་བྱོན་སོགས་ཡོད་པ་འགའ་ཞིག་མ་གཏོགས། ཚང་མ་བཏུལ་ནས་སཙྪ་འབུམ་བརྒལ་ཙམ་དང། བླ་མ་ཡི་དམ་སངས་རྒྱས་བྱང་སེམས་ཆོས་སྲུང་ནོར་ལྷ་དང་བཅས་པའི་སྐུ་པར་གྲངས་མང་འདེབས་པར་མཛད་སྐབས། དངུལ་སྲང་ཆིག་སྟོང་བརྒྱ་རེ་བདུན་ཞོ་དྲུག གསེར་སྲང་བརྒྱད་ཅུ་གྱ་བརྒྱད་དང་ཞོ་ཕྱེད་བརྒྱད་སོགས་ལས་གྲུབ་པའི་དངུལ་གདུང་རིན་པོ་ཆེ་ཕྲ་རྒྱན་གྱིས་སྤྲས་པ་དང། འདྲ་སྐུ་རིན་པོ་ཆེ་གསར་བསྐྲུན་རིང་བསྲེལ་རྣམ་བཞི་སྤྱི་དང་བྱེ་བྲག་དེ་དུས་ཀྱི་ཐོ་གསལ་བཞིན་གྱིས་ཕྱུར་ཏེ། འཇམ་མགོན་གོང་མ་ཞལ་རྣམ་གཉིས་ཀྱི་དབུས། མཁན་རིན་པོ་ཆེ་སོགས་བན་ཚང་འདུས་ཚོགས་བཅས་ནས་རབ་ཏུ་གནས་པའི་མེ་ཏོག་གིས་བྱིན་རླབས་ཀྱི་གཟི་བརྒྱ་འབར་བར་མཛད། དེ་ནས་ཐང་སྟོན། འཇིགས་བྱེད་བཅུ་གསུམ་མའི་སྒྲུབ་མཆོད། རབ་དབྱེ། ཁ་སྐོང་། རྣམ་འགྲེལ་གཞུང་སྐྱོར་སེར་འདུ་བཅས་དུས་དྲན་