[A:༣༧༤]རིས་འཕེལ་རྒྱས་གླིང་གི་གྲྭ་པ་རྣམས་ལ་མཇལ་ཕྱག་གནང་བའི་ནུབ་མོ་འོད་གསལ་དུ། ས་ཆེན་གྱི་སྐུ་ཞལ་བྱང་གཟིགས་ཤིན་ཏུ་དགྱེས་ཉམས་ཅན་འཛུམ་ཞིང་གསུང་འབྱོན་ལ་ཁད་ལྟ་བུ་ཞིག་འཁྲུངས་པས་རྗེས་སུ་དགོངས་ཚེ་ཟླ་བ་ཕྱི་མར་གདུང་རྒྱུད་རིན་པོ་ཆེ་ཞལ་གཟིགས་པའི་ལྟས་དང་། ནག་ཟླའི་ཚེས་བརྒྱད་རྒྱལ་ཕུར་འཛོམས་པས་རིག་བྱེད་མ་དང་ཚོགས་བདག་ཉིན་ཐང་གསར་སྐྲུན་དང་། གདུང་རབས་མྱུར་འབྱོན་སྐུ་རིམ་ལ་གལ་ཆེ་བའི་ཚོགས་བདག་བསྐང་གསོ་ལྗགས་སྒྲིགས་ཉམས་སུ་བླངས་བདེ་བར་མཛད་པ་འདིའི་གཤོམ་དབྱངས་རོལ་དང་བཅས་འཕགས་པ་རིན་པོ་ཆེ་བློ་གྲོས་རྒྱལ་མཚན་ཞེས་རྒྱ་བོད་ཁམས་གསུམ་དབང་སྡུད་དེའི་བཞུགས་ཁྲི་པདྨ་ཅན་གྱི་སྟེང་ནས་གནང་རྒྱུའི་ཐོ་རེངས། ཚོགས་བདག་ཡུས་པ་ལྟ་བུས་གློ་བུར་དུ་ཡུམ་མཆོག་ཉིད་ལ་སྐུ་ཁྲག་ལྟ་བུའི་སྙུན་ཐུ་མོས་ཅི་མཛད་གཏོལ་མེད་དུ་གྱུར་ཀྱང་། རྗེ་རྡོ་རྗེ་འཛིན་ཉིད་ཀྱི་ཐུགས་དམ་ཟབ་མོ་དང་། གསོལ་སྨན་རིམ་གྲོ་སོགས་ཀྱིས་མྱུར་དེངས་དང་། དེ་ཉིན་མང་སྦྱིན་གྲས་སུ་དམ་སེལ་ཅན་གྱི་མི་རྒན་ཞིག་རྒྱབ་འཁུར་འཁྱེར་བཞིན་དུ་མཇལ་ཕྱག་ལ་བྱུང་བས། དེས་རྐྱེན་བྱས་སམ་དགོངས་པའི་ཐུགས་དོགས་བཅས། གང་ལྟར་གདུང་རྒྱུད་རིན་པོ་ཆེ་ཚེས་བརྒྱད་རྒྱལ་ཕུར་ཉིན་འབྱོན་རྒྱུར་ཞག་གཅིག་འགྱང་ཡང་དངོས་གཞི་རྟེན་འབྲེལ་ཤིན་ཏུ་ལེགས་པ་ནི། སྔར་ནས་མ་བསྒྲིགས་རང་འགྲིག་ནོར་བུའི་དོ་ཤལ་འདིའི་ཐོག་དྲངས་སྤྱན་གཟིགས་དུ་མ་དང་། འཕགས་པ་རིན་པོ་ཆེའི་དབང་ཏིང་ཛྷི་ཀྵི་མར་མཆོད་གཤོམས་ཀྱིས་ཚོགས་བདག་གི་བསྐང་བ་ཐོག་མ་