[A:101]slob dpon dgas po gtsang 'dul la zhus te rab tu byung / mtshan ye shes rdo rjer btags/ gnyal du ngo rje btsan po ra'i chos 'khor gcig gi sar ras chung pa'i phyi la byon pas/ chos 'khor gyi gral mgo la/ rngog lo la sogs sde snod 'dzin pa mang pos grub mtha'i rnam dbye 'byed pa gzigs pas thugs mos shing / chos tshol ba la byon/g.ye chung gi sbre dgon pa na spyan mnga' rin po che'i slob ma dge bshes sbre pa chen po bzhugs pa dang mjal/ bsnyen rdzogs kyi mkhan po zhus pas/ dge bshes sbre pa chen po mkhan po mi byed pa'i dam bca' byas nas ma gnang / de dus jo dan tsha rong pa dang /dgas po gtsang 'dul ba/ sbre pa chen po'i sar byon pa la/mkhan slob zhus nas bsnyen rjogs mdzad/ de nas rim gyis byon te/ sha mi la 'dul ba nyan/ de tsa na yar lungs su chos 'khor gcig gi sar byon/ dge ba'i bshees gnyen mang po sten/ khyad par dge bshes nyang lcags zhing pa la blo sbyong tshig brgyad ma gsan pas dad nas/ po to ba'i slob ma dol pa dang / lugs smad pa gnyis lo bzhi sten/ de nas dgung lo sum cu lon pa'i dus su dbu rur byon/ dge bshes chen po sha ra ba gzho'i khang pa gnas na bzhugs pa dang mjal/ tshogs mchod gcig gsan pas/ blo sbyong gi tshig gsal bar ma byung bas/ thugs ma ches par nyin gcig dge bshes chen po sha ra ba de/ grwa pa thams cad ston mo la