[A:102]bzhud/ khong rang gcig pu mchod rten la skor ba mdzad cing 'dug pa'i drung du byon/ blo sbyong gi tshig rnams zhus nas/ 'di lam du cha'am mi cha res 'ga' sems la phan pa yang byung zhus pas/ston pa yas la phan mi phan gyi kha na med/ sangs rgyas gcig thob par mi 'dod na mi 'dod/ 'dod phyin chad lam 'dir ma zhugs par 'tshang rgya ba mi srid gsungs/ de nas thugs shin tu ches te/byang chub kyi sems skyong ba kho na mdzad cing / gzhor lo gnyis tsam zhig bzhugs/ de nas dgye gong du lo drug tsam bzhugs kyi bar dang / sha rar yang byon nas dge bshes chen po sten/ jen las sogs sa gnas nges med la bzhugs/ nang du thugs dam gyi gtso bo blo sbyong la mdzad kyang / bka' shin tu dog pas sus kyang rtsad ma chod/ phyis 'gre phur bzhugs pa'i ring la/ chos 'di tshogs chos bshad pa'i 'os min/ btub pa 'ga' la lkog tu byed bsam pa yin te/ su la yong dang mi yong ngo mi shes pa 'dug nye gnas khyod la mar yod na/ nang par sgom chen pa rnams pa shor 'dren zhig gyis nga'i chos 'di la ming gcig 'dogs pa'i ming ston byed pa yin gsungs nas/ de'i dus su don bdun gyi sa bcad mdzad nas yi ger btab pas don bdun mar grags/ de res 'gre phu sgom chen sdings su tshogs chos su gsungs/ tshogs chos byed pa'i srol de nas byung / de'i rjes su mal gror byon nas 'chad kha ba rnying ma'i dgon