[A:103]pa btab/ 'gro don lo bcu gnyis sam yang na lo bdun bskyangs/se spyil bu bas da lta'i 'chad kha 'debs pa'i lung bstan mdzad nas/khong rang byang ngur mor byon/ theg pa chen po mthar thug gi gdams ngag thugs nyams su bzhes/ mthar thug gsum gyi gdams pa la sogs pa 'i gdams ngag kyang mdzad/ sku de nyid kyis 'dul ba'i phrin las yongs su rdzogs nas/ phyi rabs kyi gang zag rnams la phan pa'i don du/ yul dang gnyen bshes rab spangs te/ /'dzin chags med pa'i dge rtsa byas/ /bshes gnyen bzhugs pa'i sa phyogs su/ /thos bsam sgom gsum dge rtsa byas/ /da ni shi yang mi 'gyod do/ /lha ru nye du ma mchod cing / /hrul po'i gos gyon dman sa bzung / /su dang 'grogs kyang yi dam phyung / /grags pa ma bsgrubs nor ma bsags/ /da ni shi yang mi 'gyod do/ /mi chos lha chos ris khrid kyang / /yon bdag lha bzhin mchod pa dang / /ban mo'i bsnyen bkur rnams spangs te/ /drang srong chen po'i rnam thar spyad/ /da ni shi yang mi 'gyod do/ /byad bzhin can dang nor can la/ /tshogs sog bsnyen bkur ma byas shing / /'bun skyed ma byas tshong ma byas/ /mkhar las ma byas gzhis ma bzung / /da ni shi yang me 'gyod do/ /zhes pa la sogs pa gsungs/ gnas de nyid du mya ngan las 'das so/ /thugs ljags spyan la sogs rten khyad par can mang po byon/ 'di rnams la 'chad lugs mi 'dra ba mang po