[A:107]du byon/ dge bshes sbal ti la mkhan po zhus/ dro sa'i dge bshes gnas brtan la slob dpon zhus/ spu gu dro nas dge bshes rgyal tsha gdan drangs nas las slob zhus so/ /jo btsun pas gsang nas mdzad de bsnyen par rdzogs/ lha chen po zhi bar gshegs nas/bstan pa'i mnga' bdag mdzad/ dbus gtsang dang / khyad par g.yo/ gnyal/ dwags po/ kong po la sogs yon bdag dang /bu slob tu ma gyur pa med la/ khyad par du bla ma'i gdan sa po sde ma lag dang bcas pa/ bka' gdams bzhugs pa'i dge bshes/po to ba'i gnas brtan dang bcas pas bka' gros nas phul/ kong po nas rta bar/ bu chu/ byang lung gsum gyis thog drangs pa'i sde pa sum cu rtsa gsum gyi gtsug lag khang gi lde mig gtad nas phul/dwags po na bla ma 'a kan mo na mo shod kyis thog byas/ sde pa mi sde dang bcas pa phul bas/ 'di rnams su da lta yang slob dpon dang /dkon gnyer/ mi dpon sko ba'i rgyu mtshan de yin/ gnyal nas mkhan po zangs chen pa chen por grags pas gdan drangs te byon/sku 'bum chen mo'i rab gnas mdzad/ zangs po che lde ma lag dang bcas pa phul nas gtsug lag khang gi lde mig gtad/ rong rtse dkar du gdung khang chen mo'i rab gnas la gdan drangs/ sde ma lag dang bcas pa phyag tu phul ba nas/ bka' gdams gzhung pa'i chos rgyud 'dzin pa mang du byung zhing / da lta yar bcad du