[A:108]zangs po chen po dang / bra gor bas mgo byas/ spyil bu ba'i chos rgyud 'dzin pa mang po yod do/ /g.ye na yang bu dol la sogs pa'i yon bdag bu slob mang du yod do/ /spyir yi dam gyi lha bsam gyis mi khyab pa'i zhal gzigs/ khyad par du mi g.yo ba dang dbyer mi phyed pa'i rgyu mtshan mang du mnga' bas/ lha stag sham can du grags/ yar lung du byon pa'i ring la/ zo thang gong po ri la spyan ras gzigs seng ge sgra zhal gzigs/ po to'i ka gnyis mar sku mtshams la bzhugs pa'i thub pa bden gnyis kyi chos gsungs pa'i snang ba byung gsungs/ sku de la thub pas gsung byon mar grags nas/da lta'ang po to na bzhugs zer/ yang spyil bur tshul zhugs gcig gi dus su gnas brtan chen po bcu drug dngos su byon/ de'i bkod pa 'gro mgon la gnas brtan chen po bcu drug gis skor ba'i thang ka 'gro mgon nyid kyis zhal bkod mdzad nas bris/ de las 'phel nas da lta yang 'gro mgon la gnas brtan gyis skor ba'i thang ka zhal gzigs su grags pa mang du yod/ da lta spyil bu'i tshul 'jug gi dus su gnas brtan chen po bcu drug gi sku skal gyi tshul shing re len pa dang / tshogs su mang ja'i dus su gnas brtan bcu drug gi gsol 'debs rgyun ma chad par byed pa'i srol yang de nas byung / lha sar byon pa'i dus su/ jo bos dngos su chos gsungs pa'i snang ba byung / rwa sgreng du byon dus a ti sha dngos su byon pa'i