[A:10]ni gnas gzhan med de/ der skye ba ni sems can gang du shi ba de nyid du gzugs med pa'i ting nge 'dzin dang ldan par skye ba'i phyir ro/ /de nas bcud kyi sems can stong gsum 'di mes tshig pa'i rjes la chags pa yin na/ 'od gsal lha las babs pa yin/ 'od gsal ba'i lha tshe zad shi ste/ tshangs pa'i 'jig rten stong par skyes so/ /de la 'jig rten spyi mes tshangs pa zer ro/ /de nas rim gyi tshangs pa 'dun na 'don dang / tshangs ris dang / gzhan 'phrul dbang byed nas rgyal chen rigs bzhi'i bar du rim pa bzhin skye'o/ /de nas byang gi sgra mi snyan dang / nub kyi ba glang spyod dang / shar gyi lus 'phags po dang / lho'i 'dzam bu gling du rim pa bzhin skye'o/ /de'i tshe 'dzam bu gling pa'i mi rnams kyi tshe lo dpag tu med pa yod pa'i tshe/ zas su bsam gtan gyi dga' ba za ba/ rdzus te skye bas lus la 'od yod pa/ rdzu 'phrul gyis nam mkha' la 'gro ba/ gzugs khams kyi lha dang 'dra ba yod do/ /de'i tshe sems can ro la chags pa'i rang bzhin can 'ga' zhig gis bdud rtsi sa'i bcud zhes bya ba/kha dog dkar ba/ ro sbrang rtsi 'dra ba yod pa dag zos te/ gzhan la'ang smras pas/ sems can gzhan dag gis kyang zos so/ /de'i tshe khams kyi zas zos pas lus kyi 'od thams cad med par gyur pa na sems can spyi'i las la grub pa/ nyi ma dang zla bas gling bzhi snang ba'i bya ba byed pa byung ngo / /de'i rjes la sa'i bcud nus nas sa'i