[A:9]'phrul dbang byed pa'i lha rnams gnas te/ de man chad ni 'dod pa'i khams so/ /de'i steng na bsam gtan dang po'i gnas yod do//de ltar na gling bzhi dang / ri bdun dang / khor yug dang /'dod pa'i lha'i gnas drug dang / bsam gtan dang po man chad la ni gling bzhi pa'i 'jig rten gyi khams zhes bya'o/ de gcig nas bgrangs pa'i stong la ni stong chung ngu'i 'jig rten gyi khams zhes bya ste/lcags ri chen po gcig gis bskor ro/ /de gcig nas bgrangs pa'i stong la ni stong gnyi sa pa bar ma'i 'jig rten gyi khams zhes bya ste/ de yang lcags ri chen po gcig gis bskor ro/ /de gcig nas bgrangs pa'i stong la ni stong gsum gyi stong chen po'i 'jig rten gyi khams zhes bya ste/ khor yug tu lcags ri chen po gcig gis bskor ro/ /de la ni gling bzhi pa'i 'jig rten bye ba phrag brgya yod de/ de dag la ni bkram pa'o/ /de la bsam gtan dang po ni gling bzhi pa'i 'jig rten dang tshad mnyam mo/ /de'i steng na bsam gtan gnyis pa yod de/ stong chung ngu'i 'jig rten dang tshad mnyam mo/ /de'i steng na bsam gtan gsum pa'i gnas yod de/ stong gnyis pa bar ma'i 'jig rten dang tshad mnyam mo/ /deri steng na bsam gtan pa yod de/ stong gsum gyi 'jig rten dang tshad 'tsham mo/ |de dag gi bar thag gi tshad ni 'og ma 'og ma bas nyis 'gyur gyis 'phags so/ /de dag ni gzugs kyi khams zhes bya'o/ /gzugs med pa'i khams la