[A:111]des tshogs pa lo mang du bskyangs te/ dgung lo bzhi bcu steng du gdan sa gtad nas zur khang du bzhugs te/ nges don zab mo thugs nyams su bzhes nas dgung lo drug cu rtsa bzhi la zhi bar gshegs/thugs ljags spyan gsum/ dung g.yas 'khyil bzhi la sogs pa rten ngo mtshar can mang po byon/ de'i rjes su bla ma lha rin po che bde bar gshegs pa de nyid/ yab mnga' bdag grags pa rin chen dang yum lha gcig rdo rje'i sras che shwos su bya'i lo la bro brang rnying mar sku 'khrungs/ sku na gzhon pa'i dus su/ lo tstsha ba grags rgyal dang bla ma kun dga' dpal la sogs pa mkhas grub rnams la yang gsang sdags kyi dbang gdams ngag mang du gsan/ de nas lha zur khang pa'i zhal ta byung nas spyil bur byon/ lha zur khang pa la dge bsnyen gyi sdom pa nos/ mkhan po lha ru ba gzhon tshul dang / sbas pa ston gzhon gyis mkhan slob mdzad nas rab tu byung / mtshan blo gros 'od bya bar btags/ de nas dgung lo nyi shu lon pa'i dus su mkhan slob snga ma dang / dad pa'i dge 'dun du ma'i dbus su spyil bur bsnyen rdzogs mdzad/ lung ris kyi dbang phyug lha zur khang pa la gzhung gdams ngag ma lus par gsan/ khyad par du theg pa chen pa'i blo sbyong gi skor/ kun la grags pa don bdun ma la sogs pa rnams dang / blo sbyong chig brgyud kyi gdams pa snyan brgyud du grags pa rnams dang / kha che paN chen nas brgyud pa'i gdams pa