[A:112]zab mo dang bcas pa mang po ma lus pa gsan cing thugs su tshud par mdzad/ gzhan yang sbas pa ston gzhon la sher phyin gyi skor dang /mkhan po gzhon tshul ba la 'dul ba'i skor rnams gsan nas dgung lo nyi shu rtsa bdun lon pa phag gi lo la bstan pa'i bdag por mnga' gsol nas/ lha zur khang pas dung rin po che dang / 'phel gdung / sha ri'i bu'i lhung bzed/ na ro pa'i rus rgyan/ jo bo rje'i phyag dril/ phyag rdor/ po to la sogs pa gtsug lag khang rnams kyi lde mig phul/ gdan sa lo bzhi bcu'i bar du bskyangs shing / bla ma 'di ni nges par byang chub sems dpa' sems dpa' chen po yin te/ gdan sar bzhugs ring la spyil bu ba rnams la'ang bde skyid rgya chen po byung zhing / spyir bdag nyid chen po 'di sku 'khrungs nas/ sa 'bri la sogs pa'i zang zing rnams zhi nas/bod khams skyid du song / zhi bar ma gshegs bar du 'khrug mo che la sogs pa zing med/ de'i rgyu mtshan gdan sar byon nas dbyar gnas spyil bur mdzad dus slob dpon rdo rje ye shes kyis 'gro mgon nam mkha' la byon nas/ rin po che pa'i thugs khar thim pa gsal po zhig mthong bas/ lha 'di bzhugs ring la bde skyid yong bar 'dug zer/ de ltar ngo mtshar ba'i ltas du ma dang bcas nas dgung lo drug cu rtsa drug la zhi bar gshegs/ gdung sbyangs pa'i dus su thugs ljags spyan gsum/ lha sku/ dung g.yas su 'khyil ba/