[A:113]ring bsrel 'phel gdung bsam gyis mi khyab pa byon/ mdor na sku che ba'i yon tan bsam gyis mi khyab pa rnams mkhan po sang 'od pas mdzad pa'i rnam thar las shes par bya'o/ /de'i rjes su lha zur khang pa rting ma ni bla ma lha rin po che dang / mkhan chen sang 'od pa las rab tu byung / sku skye ba dran pa la sogs pa yon tan du ma mnga' ba/lha rin chen seng ges tshogs pa bskyang sa/ de'i rjes su da lta'i bla ma lha rin po che shAkya bsod nams ni kha che paN chen nas sdom rgyun rnam par dag pa/ mkhan chen bsod nams shes rab las rab tu byung zhing / bsnyen par rjogs nas spyil bu'i gdan sar bzhugs pa'o//dge bshes chen po zhang sha ra ba'i slob ma/ dge ba'i bshes gnyen chos lung sku gshegs su grags pa de ni/ gdung rus gtum/'khrungs sa ni sgo lnga'i lcags mkhar/ mtshan dngos blo gros grags bya ba yin te/ 'dis snar thang btab pa'i lo rgyus ni/ snar gyi mda'i thang stong de la ne ser ba'i lo ra gcig yod sar spyil bu gcig mdzad nas/ 'am bu 'dir dge sbyor byed pa yin gsungs te/thog mar chu mo bya'i lo la phyag phab ste gzhi gtsugs/ dgon pa btab nas lo bcu bzhi bzhugs pa'i rjes su khong rang gi slob ma gdung rus rdo/ 'khrungs yul sgo lnga'i byang rtsar sku 'khrungs pa shes rab grags bya ba la/ nyid kyis spyil bu 'di'i nya ra gyis/ 'gro don skyong gsungs nas khong rang la stod byang gi rta'i sde chos lung du