[A:116]dang / khams pa mi rten pa la sogs pa chos khrims dag dar cher mdzad/ mkhan chen 'di'i gdung rus mchims yin/ 'di'ang myang stod smon 'gro'i phu khur sku bltams zhes zer/ de'i rjes su chu sgo'i lum bya bar gdung rus gro'i rigs su sku 'khrungs pa/ mkhan chen kun dga' rgyal mtshan chu mo yos kyi lo zla ba gnyis pa'i tshes nyi shu la snar thang gi gdan sar byon nas/ da lta bstan pa'i bya ba phal cher mdzad pa yin no/ /mkhan chen bde bar gshegs pa'i gcung po mchims zhang bu legs la sogs pa'i dbon sras/ slob dpon chen po snyan grags bzang pos kyang nye gnas che mo'i gong la bzhugs nas/bstan pa dang gdan sa'i zhabs tog du ma mdzad/ khyad par dkar phibs la gsor nam mdzad nas/ nang du gnas brtan lha khang dang / mkhan chen bde bar gshegs pa'i phyi rten gyi mchod rten sgo mang / phyi'i lcags ri chen mo gnyis 'khor gyi tshul du bzhengs so/ /de ltar na spyir bka' gdams pa/ khyad par du po to ba'i bka' srol 'di bstan pa'i 'phrin las che zhing / skyes tshoms gnyis/ bslab spyod gnyis/ sa rgyan gnyis te gzhung drug la nyan bshad mdzad pas/ bka' gdams gzhung pa zhes grags so/ /'di rnams rgan po rnams kyi ngag bzhin tho tsam bris pa yin gyi/yon tan dang 'phrin las gsal bar shes par 'dod na/ kho bo'i bla mas gsungs pa'i bstan bcos rab tu snang ba'i sgo zhes bya ba yod