[A:117]zer bas der ltos shig bka' gdams gdams ngag par grags pa'i spyan snga rin po che ni nyan gyi sgang ra sgang du yum li moo'i bur sku 'khrungs/ mtshan stag tshag 'bar/ rab tu byung nas mtshan tshul khrims 'bar du btags/ dge ba'i bshes gnyen dge bshes ston pa sten nas/ gzhung gdams ngag ma lus pa gsan/ sgom pa'i stobs kyiais rig pa'i gnas lnga la mkhas pa/ thugs brgyud dang mkhyen pa nam mkha' 'dra ba gcig byon/ gdan sa lo'i gtsug lag khang la sogs pa gtsug lag khang mang du bzhengs/ de la bu slob bsam gyis mi khyab pa mnga' yang / spyan snga'i sgo bzhir grags pa ni zar pa pha sgom gyis mal gro'i zar btab/ ma ra sgom pa/ ga ye sgom pa/ rtse sgro rgya sgom dang bzhi'o/ /stod lung pa rin chen snying pos btsan gro dgon pa btab/ bstan pa'i bya ba rgya cher mdzad/ mdor spyan snga rin po che 'dis bstan pa'i mnga' bdag yun ring du mdzad nas/ klung shod smyug rum du sku gshegs/deri thugs kyi sras sprul sku chen po bya yul ba ni/ mgon po zla 'od gzhon nu'i sprul pa/ mthong thos thams cad don dang ldan pa zhig byon te/ spyan snga rin po che yun ring du sten zhing / mtshan gzhon nu 'od bya yul ba chen por grags pa des bya yul dpal gyi gtsug lag khang chen po bzhengs/ de la bu slob bsam gyis mi khyab pa mnga' yang / chen po bcu gsum du grags pa ni/ khams nas rab