[A:118]dga' chen po dang ngang tshang ba chen po gnyis/ dwags por sha ba gling pa chen po dang / bo thang pa chen po/ brag nag pa chen po/mus dman pa chen po/ mal gror bus pa chen pa/ 'dis rgyal po stengs btab/ gzher chen po 'dis kam kam btab/ smad dum bu ri pa chen pos dum bu ri btab/ dgyer sgom chen pos rgya ma'i mchod khang rnying ma dang rin chen sgang btab bo/ /de la sogs pa mkhas grub du ma smin par mdzad nas/ ngo mtshar ba'i ltas dang bcas te bya yul du mya ngan las 'das/ de'i thugs kyi sras gtsang pa rin po ches sku de nyid la bden pa gzigs/ de'i thugs kyi sras rin po che glang lung pas lo bya yul sbrags nas gdan sa mdzad/tshul 'jug lo re mos byed pa'i srol yang de nas byung bar snang zhing /bstan pa yun ring du bskyangs nas bya yul du sku gshegs/ de'i thugs kyi sras sangs rgyas sgom par grags pa g.yar po ba yin pa des bstan pa yun ring du bskyangs nas bya yul du gshegs/ de'i thugs kyi sras zem tshe ring pa bya ba des bstan pa'i mnga' bdag mdzad/'di'i dus su 'phrin las cher byung ste/ 'di'i bu chen 'od gsal ba chen pos zhogs phu'i 'od gsal dgon pa btab/ ri mer ba chen pos lho brag gi ri mer btab/ thugs byang chub kyi sems de khams lung pa la gtad nas/ bya yul du mya ngan las 'das/de'i thugs kyi sras khams lung pa nyan ka ka sar sku 'khrungs/ zem