[A:120]du byon/ 'dis sangs rgyas jo bo la'ang slebs te bsnyen rdzogs mdzad/ sangs rgyas ston pa la bya yul ba'i chos skor tshang ma zhus/de'i dus su gsang sngags bka' babs kyi skor khams lung pa nas bka' chad nas med pas/ sangs rgyas ston pas zhal byon nas/ rgya gar ka ma ra'i phu na/ zem tshe ring po ba'i slob ma sgom pa byang skyabs bzhugs pa la bka' blangs nas bya yul gyi gdan sa lo bcu gsum mdzad/ 'phrin las shin tu dar rgyas che zhing / dgung lo lnga bcu rtsa lnga la bya yul du sku gshegs/ de'i rjes su rgyal stengs pa bskos nas/ gdan sa lo bco brgyad mdzad nas gshegs/ de'i rjes su slob dpon tsan khro ba tshul khrims mgon ni 'khrungs yul ka ba yu pa/ sangs rgyas ston pa la slebs/ 'dis gdan sa lo nyi shu rtsa gsum mdzad nas gshegs/ de'i rjes su da lta'i rin po che 'di 'o//bya yul ba'i chos brgyud 'dzin pa ni spyan yas pa'ang yin la/ spyan yas pa gnas brtan dar ma bkra shis kyis sprul sku bya yul ba'i slob ma gnubs mchod gnas la gdams ngag zhus/ zem tshe ring mo'i slob ma/ 'od gsal chen po'i slob ma spyan yas par grags pas 'od gsal gyi gdan sa bzung / de'i dbon po mkhan po rgyal tsha ba/ mtshan dngos gzhon nu grags pas khu bo la gdams ngag rdzogs par zhus/ yang mkhan po gong ma nam mkha' gzhon nus kyang lug mgo thang du sgom pa byang skyabs la sems skyed gong ma zhu ba la