[A:121]byon/ de'i rten 'brel gyis sgom pa byang skyabs kyi tshems dung g.yas 'khyil du song ba spyan yas su byen te/ da lta'ang spyan yas kyi rten gsum nang na bzhugs shing / da lta yan chad du bya yul dang /chos brgyud dang / rnam thar gcig pa'i rgyu mtshan de yin/ dgyer sgom chen pos rgya ma btab pa'i rjes su/ sangs rgyas dbon ston gyis rgya ma'i lha khang gsar ma btab/ de'i rjes su slob dpon sang yon/de'i rjes su dbon po gzhon nu seng ge de'i rjes su slob dpon skam dgon pa gzhon nu 'bum/ de rjes slob dpon 'od 'byung /
sprul sku bya yul ba'i skye bar grags te/ de'i rgyu mtshan bya yul gyi ri rtse'i lcags ri de legs gsung lags 'dug zhus pas de'i thad ka'i brag de ma phed par rdo 'dred kha ba gcig bzhag yod pa yin gsung zer
de rjes slob dpon gzhon nu 'od/ de rjes slob dpon bkra shis rgyal mtshan/ de rjes slob dpon gzhon nu seng gede rjes slob dpon kun bzang / de rjes glang thang pa slob dpon rgyal mtshan/ de rjes bzang po ba da lta'o/ /'di dgyer gyi gdung rgyud kyis gdan sa mdzad pa srol yin no/ /yang jo bo'i bla ma'i bla mchod bzhi las rnal 'byor pa chag khri mchog rnam 'byor pa shes rab rdo rje/ rnal 'byor pa 'dzeng dbang phyug rgyal mtshan rnams kyis slob ma ma bskyangs/ rnal 'byor pa chen po lung a mes byang chub dgon pa bar grags pa'i slob ma zhang ka ma ba/ snan sna mo ba/