[A:12]ba chos rgyal mang pos bkur ba/ de dngos kyi bu ni 'od mdzes so/ /«'di rnams shes bya rab gsal ltar bris»de'i bu ni dge ba'o/ /de'i bu ni dge mchog de'i bu ni gso sbyong 'phags te/ de dag la ni bskal pa dang po'i rgyal po lnga zhes bya'o/ /'di'i skabs su zas bzhi ni sa yi bcud la sogs yin la/ ming drug tha dad gsum gyis gleng ba rnams ni rgyas par gzhan las shes par bya'o/ /gso sbyong 'phags kyi bu nga la nu'o/ de'i bu ni mdzes pa'o/ /de'i bu ni nyer mdzes so/ /de'i bu ni mdzes can no/ /de'i bu ni mdzes ldan zhes bya ba byung ste/ de dag la ni 'khor lo sgyur ba'i rgyal po zhes bya'o/ /de rnams ni bskal pa rjogs ldan no/ /de nas tshe lo bzhi khri pa'i dus su/ sangs rgyas 'khor ba 'jig rten du byon no/ /mdzes ldan gyi bu nor bu nas bu rgyud rim par rgyal rabs sum cu'i mthar kun nas 'od zer zhes bya ba'i rgyud rgyal po brgya tham pa yul gru 'dzin du byung / de nas rgyal rabs du ma zhig 'das pa'i rjes su wa ra na sir 'bum khrag gcig byung / de'i tshe bskal pa gsum ldan tshe lo gsum khri pa sangs rgyas gser thub byon no/ /de nas rgyal rabs du ma 'das pa'i rjes su rgyal po kri kri byung ste bskal pa gnyis ldan tshe lo nyi khri pa sangs rgyas 'od srungs byon no/ /de nas yul gru 'dzin du/ rgyal po brgya tham pa'i mtha' ma rgyal po rna ba can/ de la bu gnyis yod pa'i go'u ta ma rab tu byung / bha ra dhwa dzas rgyal po