[A:13]byas pa la bu med/ go'u ta mas sa bon bzhag pa las byung ba'i bu gnyis la/ gcig ni nyi ma'i gnyen/ gcig ni bu ram shing pa'o/ /nyi ma'i gnyen la bu med/ bu ram shing pas rgyal po byas te/ de la bu ram shing pa'i sprengs shes bya'o/ /de'i rgyud rgyal po brgya tham pa grong khyer gru 'dzin du byung / de rnams kyi mtha' ma rgyal po 'phags skyes po'i btsun mo che ba la bu gsum bu mo gsum yod pa spyugs te/chu bo skal ldan shing rta'i 'gram du 'dug pa las/ ming sring 'dus pa las mang du 'phel te ser skya dang lhas bstan du grong khyer chen po byung / de'i bu che ba'i rgyud la shAkya chen po/ 'bring po'i rgyud la li tsa byi/ chung ba'i rgyud la ri brag pa ces bka' chems ka khol ma nas bshad la/ bla ma 'phags pa'i shes bya rab gsal du/'phags skyes po la bu bzhi byung ba'i chung ba rkang gdub can gyi rgyud las bcom ldan 'das kyi bar du rgyud gsung ba ltar na brtag par bya'o/ /
sngon byung dang 'di mthun par snang
gang ltar na'ang 'di la shAkya'i rigs kyi ya mtshan zhes zer ro/ /ya mtshan zhes pa'i sgra don rigs ngan ma 'dres pa la 'jug pa 'dul ba'i gleng gzhi las 'chad ces grag go/'phags skyes po'i btsun moo chung ba'i bu rgyal srid dga' ba rgyal sar bton pa la bu med par shi ste/ 'di la rgyal srid dga' ba'i tshig zer ro/ /shAkya chen po'i gdung ni/ tshe dang ldan pa sgra gcan zin du ched/ srid pa'i breng rgyun chad/ skye ba'i