[A:132]grags 'bum gyi slob ma bcom ldan ral gri yin/ de'i slob ma mkhan po dben zi dang / dbu tshad pa rin bzang dang / skyi ston shag 'bum/ skyi ston grags rgyal/ gra ring / gra thung /rtsed ring / rtsed thung la sogs pa yin no/ /de'i rjes su dbon po rin 'byung gis bshad/ de'i slob ma ldong yin te gnyal pa zhig po nas 'phros pa rnams so/ /yang smad pa'i slob dpon 'od zer mgon po'i slob ma slob dpon shag gnon/ tshad ma'i skyes bu la sogs pa du ma yod pa las/ slob dpon shag gzhon gyi bdag rkyen dpon smon lam rdo rje yab sras kyis mdzad nas gung thang du bshad grwa btsugs/ slob dpon shag gzhon rang ne'u thog tu spyan drangs/rting gung thang chos 'khor gling gi gdan sa la slob dpon grub dpal bskos/ de'i rjes su slob dpon shes rgyal/ de'i rjes su slob dpon blo bzang / de rjes bsod nams dpal dang / byams pa dpal dang / kun bzang la sogs pa chos 'khor gling pa rnams te gling smad pa la 'phros pa rnams so/ /ar gyi slob ma khu sher brtson gyis thang po cher chos bshad grwa pa dang gdul bya cher byung / de las 'phros nas da lta smon 'gro pa dang / lhag tu ba la sogs pa khu pa dang rjes 'brang dang bcas pa'o/ /'chad rtsod rtsom pa'i mtshan nyid yongs rdzogs te/ /thar lam gsal bar ston pa'i rtags grub pa/ /lo tstsha chen po'i bshad brgyud dri med 'di/ /thar pa don gnyer