[A:133]rnams kyi mig tu gyur/ /rngog lo tstsha ba'i bshad brgyud kyi skabs so/ /dpal ldan rngog lo la sogs bstan 'dzin chen po rnams kyi rnam thar 'dzin zhing 'phrin las phul du byung bas/ bstan pa 'dzin pa skyes bu dam pa 'jam dbyangs gu shri chen po'i 'phrin las la/ rtsed thang gi chos grwa chen po tshugs pa yin zhing / lcags mo yos kyi lo la drung 'jam dbyangs chen po bstan pa'i bdag por mnga' gsol nas/rgyas pa'i bstan bcos tshad ma rnam 'grel gsungs pa nas bzung ste/sne snod 'dzin pa mang po 'dus shing / sangs rgyas byang chub sems pa thams cad kyi 'phrin las gcig tu bsdus pa/ chos rje bsod nams rgyal mtshan dpal bzang po'i zhal snga nas 'thun 'gyur gyi bka' gnang nas/ stobs kyi 'khor los sgyur ba ta'i si tu chen po/bdag nyid chen po de'i gdan sa'am/ chos kyi 'dun pa chen por/'phags pa spyan ras gzigs dbang phyug gis byin gyis brlabs pa'i gnas rtsed thang du chos sde chen po bzhengs shing / mthun rkyen phun sum tshogs pa dang bcas pa bsgrubs te sde snod 'dzin pa stong phrag gcig tsam 'dus shing / lo tstsha ba chen po la sogs pa mkhas grub gong ma rnams kyi gdan sa ba rnams kyis thog byas/ bod kyi mkhas btsun bzang gsum dang rigs rus la sogs pa mchog tu gyur pa'i slob ma bsam gyis mi khyab pa mnga' zhing / las can mang po smin par mdzad la/ 'jam dbyangs gu shri chen pos chos kyi rgyal srid lo