[A:139]gshegs/ de 'og gad du gshegs pas de nab tsho dang spar tsho gnyis su yod do/ /de 'og gnyal du gshegs te/ gnyal lo ro na da lta yang 'khon mang du yod/ de 'og nyang ro dang shab tu song ste/nyang shab kyi 'khon rnams yin no/ /de 'og grum pa g.ya' lung du byon pa yin/ tha chung pha yul du bzhugs/ ga stag grum par byon pa de mtshan shes rab yon tan/ de la sras gnyis byung ba'i che ba de mkhan tshul khrims rgyal po/ chung ba khab so stag thog tu byon/der yang 'khon mang du 'phel/ yang 'khon shes rab yon tan la/sras yon tan 'byung gnas/ de la tshul khrims rgyal po/ sku mched byung bar byas yod / yi ge rnying pa na 'di mi snang / mkhan chen tshul khrims rgyal po la sras gsum byung ba'i bar pa de brdal chang tshang du byon/ che chung gnyis g.ya' lung du bzhugs pa la/ che ba 'khon gtsug tor shes rab la sras bdun byung ba dang / khu bo chung ba dang bcas pas 'khon mo brgyad du grags pa g.ya' lung na yod/ sras bdun po'i lnga pa de 'khon dge skyabs/ des shab tu byon/ de la sras gnyis byung ba'i che ba dge mthong / chung ba la shab stod kyi 'khon mi rnams gyes pa yin skad/ dge mthong gi sras 'khon bal po/ de'i sras shAkya blo gros/ de la sras gnyis byon pa'i che ba 'khon rog shes rab tshul khrims zhes bya'o/ /de yan chad kyi 'khon rim par byon pa thams cad kyang sngags rnying ma ba yin/ 'khon rog