[A:140]shes rab tshul khrims kyi gcung po ni 'khon dkon mchog rgyal po zhes bya ste/ shing pho khyi lo la sku 'khrungs/ de lta bu'i bla ma de la 'bro'i gson gshin byed pa'i gdan 'dren byung bas byon/ nyi ma sbrel po'i bar ltad mo rtsed 'jo mang du byed pa'i nang nas/ sngags pa 'ga' zhig gis dbang phyug ma nyi shu rtsa brgyad kyi mgo gnyan rnams gyon/phyag mtshan so sor byas/ ma mo ral pa can gyi rnga stabs dang bcas te 'chams pas/ de ga ltad mo che bas khrom thog yang des chod/ mar phebs dus bla mas gcen la 'di lta bu 'da' zhes zhus pas/ gcen na re/ da sngags 'chol pa zhes bya ba'i dus byung ba yin/ da bod du rnying ma la grub mtshan nyid pa mi yong / rang re la yod pa kun rang re dbang che bas/ a po rgad po'i da pe cha lha rten/ sngags kyi lag cha kun gter du sba/ nga ni na sa rgas/ khyod ni gzhon pa yin pas/gsang sngags gsar 'gyur zab mo yod 'dug de mang mkhar na 'brog mi lo tstsha mkhas par yod 'dug pas de la slobs gsungs nas thams cad gter du sbas/ der chos skyong gi cho 'phrul byung nas/ phur pa'i chos skor ci rigs dang / gtor ma'i cho ga seng ldeng gi phur pa bco lnga pa cha gnyis yod pa dang / dkar mo nyid kyis 'khon rog shes rab tshul khrims la zhal dngos su bstan nas mdzad pa'i gtor chog la sogs rnams bton nas gcung la gnang / gdung rgyud kyi dus gtor ma chag par mdzad dgos so/ /bla ma 'di g.ya'