[A:149]mdzad/ chos rje pa gshegs rting / 'phags pa dgung lo bcu dgu bzhes pa glang gi lo la/ se chen rgyal po rgyal bur bzhugs pa dang lu pa shan zhes pa'i sa char mjal bas shin tu dad nas/ byang ngos rgyal bu mong gu du la sa skya pa 'dod gsungs nas/ se chen gyi bla mchod mdzad/ de nas dgung lo nyi shu rtsa gcig bzhes pa shing mo yos lo la hor dang rgya'i so mtshams the le bya bar bsnyen rdzogs mdzad/
mkhan po grags pa seng ge/ slob dpon jo dan/ byang thang ba bsod rgyal/ gsang ston yar lung pa las
dgung lo nyi shu rtsa drug lon pa lcags pho spre'u'i lo la se chen rgyal sar thon nas rgyal po chen po'i bla mar gyur to/ /denas shing mo glang gi lo la dgung lo sum cu rtsa gcig la dbus gtsang du byon zer ba dam pa kun dga' grags kyis byas pa'i yi ge na yod/ jog po 'chad kha ba'i zhus lan na chos rgyal dgung lo so gsum pa me mo yos bu'i lo smin drug zla ba'i tshes bco lnga'i dgong mo 'dam du phyags phebs bya ba 'dug gang ltar yang sngar chos kyi bka' lung ma gsan pa dang / dpon chen shAkya bzang pos gdan drangs nas byon pa yin/ ge re lha khang du phyags phebs pa'i dus su/ bla ma'i gsung gis mi la nye gnas go chod byung 'dug ste gsung ba dpon chen pas rgyab nas thos te/ sems thog tu shin tu lci bar byung bas de ma thag ge re lha khang gi phyi skor gyi thig chod blangs nas lha khang chen mo'i mthong kha dang mnyam par byas nas