[A:155]po zhes bgyi la/ 'di nyid yab dgung lo zhe bzhi bzhes pa'i dus su shing mo sbrul gyi lo la 'khrungs te/ bla ma 'di nyid kyis dgung lo nyi shu rtsa gcig nas so dgu bzhes pa'i bar gdan sa lo bcu dgu mdzad nas/ dgung lo so dgu bzhes pa'i dus chu mo lug gi lo zla ba dgu pa'i tshes brgyad la bzhi thog gzim khang du bde bar gshegs so/ /bla ma 'di'i gcung che ba de gzhon nu la gshegs zhes thos so/ /gcung chung ba de slob dpon chen po nam mkha' rgyal mtshan dpal bzang po zhes bgyi ste/ 'di nyid kyis kyang yab kyi chos lugs rnams snga mo nas khong du tshud nas gong du byon/ rgyal po chen po'i
ye mun the mur
bla mchod kyi rgan pa ti shri'i mtshan gsol nas bstan pa'i bdag po mdzad de/ me tog ra ba'i sde chen por bde bar gshegs so/ /bla ma 'di'i gcung bla ma chen po ti shri kun dga' rgyal mtshan dpal bzang po zer te/ bla ma 'di nyid yab dgung lo zhe dgu bzhes pa'i dus su lcags pho khyi lo la sku 'khrungs so/ /'di nyid gzhon nu nas yab kyi chos thams cad la shin tu mkhas par grags shing / khyad par rgyas pa'i bstan bcos tshad ma rnam 'grel smra ba'i mchog tu grags te/ 'dis ye mun the mur pa pu chang gu'i gung gi ming thob/ 'ja' yan rgyal po dang / rin chen dpal rgyal po/ tho gan the mur rgyal po gsum gyi ring la ti shri mdzad
dgung lo bzhi bcu zhe dgu la pho brang chen po shang mdor bde bar