[A:161]bzhugs rnams 'dir ma bris so/ /gdung rgyud rnams kyi rnam thar tho tsam 'di/ gdan sa chen po na rnam thar rgyas pa po ti gcig tsam yod 'dug pa'i nang nas gal che ba rnams zin bris su bris pa'o/ /sa'i bdag po rgyal po chen po'i bla ma ti shri rim pa ni/ bla ma chos kyi rgyal po/ de'i rjes su shar pa'i bla ma dus 'khor ye shes rin chen/ de'i rjes su khang gsar chen mo ba'i ti shri grags pa 'od zer/ 'di gsum gyis se chen rgyal po'i bla ma mdzad/ de'i rjes su 'jam dbyangs rin chen rgyal mtshan ti shri/ de'i rjes ti shri sangs rgyas dpal/de'i rjes su bla chen kun blo/ de'i rjes su bla ma kun dga' legs pa'i 'byung gnas ti shri/ de'i rjes su bla ma rin chen grags ti shri/de'i rjes su bla ma chen po kun dga' rgyal mtshan dpal bzang po ti shri/de'i rjes su bla ma chen po bsod nams blo gros ti shri'o/ /dpal ldan sa skya pa'i go sa chen por bzhugs pa'i gdan sa'i rim pa ni/ 'khon ston dkon mchog rgyal pos chu mo glang lo la dpal ldan sa skya'i dgon pa btab nas chu pho rta'i bar lo sum cu gdan sa mdzad/ de'i rjes su ba ri bas chu mo lug gi lo nas lcags pho stag gi bar lo brgyad gdan sa mdzad/ de'i rjes su sa chen pas lcags mo yos nas sa pho stag gi bar lo bzhi bcu rtsa brgyad gdan sa mdzad / de rjes slob dpon rin po ches sa mo yos nas lcags mo yos kyi bar lo bcu gsum gdan sa mdzad/ de rjes rje btsun chen pos chu pho 'brug gi lo nas