[A:162]me pho byi ba'i lo bar lo bzhi bcu rtsa lnga gdan sa mdzad/ de rjes chos rje pas me mo glang nas shi pho 'brug gi bar lo nyi shu rtsa brgyad sa skya'i gdan sar bzhugs nas hor yul du gdan bteg ste byon/shing mo sbrul nas lo bcu gsum gyi bar du dkar shAkya grags kyis bla chos bshad pa yin zer/ de rjes bla ma 'phags pas sa pho rta nas lcags pho 'brug gi lo'i bar lo nyi shu rtsa gsum gyi ring la ti shri dang sa skya'i bla chos sbrags pa yin/ de rjes bdag nyid chen po ngharma pA las lcags mo sbrul nas me mo phag gi bar lo bdun gdan sa mdzad/ de rjes 'jam dbyangs rin chen rgyal mtshan gyis sa pho byi ba'i lo nas shing mo sbrul gyi bar lo bco brgyad gdan sa mdzad/ de rjes bla ma bdag nyid chen pos me pho rta'i lo nas shing pho byi ba'i bar lo bcu dgu gdan sa mdzad/ de rjes bla ma mkhas btsun chen pos shing mo glang gi lo nas chu mo lug gi bar lo bcu dgu gdan sa mdzad/ de rjes 'jam dbyangs don yod rgyal mtshan dpal bzang po ti shri/ de rjes bsod nams rgyal mtshan dpal bzang po/ de rjes ta dben blo gros rgyal mtshan/ de rjes drung kun rin pa da lta bzhugs pa'o/ /drung mkhas btsun pa zhi bar gshegs pa'i phyi lo shing pho spre'u'i lo nas du gcig gi shing mo yos lo de yar bcad la lo sum cu rtsa gnyis thal te/ de ltar na dpal ldan sa skya'i dgon pa btab nas chos rje rin chen bsod nams rgyal mtshan dpal bzang po gzhan don la gshegs pa shing mo