[A:180]khyad par du chos rgyal mang pos bkur ba'i gdung rabs ji ltar byung tshul/ hor dang bod kyi rgyal pos bstan pa'i zhabs tog mdzad pa'i rnam gzhag gangs can gyi ljongs su bstan pa'i gsal byed rnams kyis bstan pa ji ltar bskyangs pa'i tshul rnams mi nub cing / phyi rabs rnams la phan pa'i don du ri mor 'bri bas/ yi ge khungs ma rnams bsdus la phyogs gcig tu sdebs shig ces do gal chen pos dge re byon nas skul ba la brten na/ chos rgyal byang chub sems dpa' rnams kyi dbon sras rnams kyi nang nas tha shal du gyur pa shAkya'i ming can gyis yi ger bkod pa'o/ /skabs 'dir bstan pa'i snying po sgrub pa gtso cher mdzad nas bstan pa gsal bar mdzad pa/ dwags po bka' brgyud kyi rnam thar 'bri ba la spro mod kyi/ yi ge yid ches ma rnyed pas/ logs gzhan shig tu shes par bya'o/ /dkar chag shin tu bsdus pa la dga' na/ 'di'i dmar cha rnams zur du bkol bas kyang 'brel chags shing / rgyal rabs rkyang pa dang / rang rang gi gdan sa'i bla rabs su 'gyur la/ yang bod kyi rgyal rabs la sogs pa rang gang mos pa'i skabs re zung du bris na'ang de'i lo rgyus su 'gyur ro//
'jig rten khams 'dir dge legs 'byung ba'i gzhi/ /
mang pos bkur dang 'khor los sgyur rgyal rigs/ /
thugs rje phul byung thub pa'i dbang po ni/ /